Սերգեյ Նարիշկինը վստահ է, որ հայ-ռուսական համաժողովը ավելի կամրապնդի երկկողմ հարաբերությունները 19 ապրիլի 2011 - 15:55 AMT PanARMENIAN.Net - Հայաստանի նախագահ Սերժ Սարգսյանն ապրիլի 19-ին ընդունել է Ռուսաստանի Դաշնության նախագահի աշխատակազմի ղեկավար Սերգեյ Նարիշկինին:Նախագահը գոհունակությամբ փաստել է, որ տարածաշրջանային համագործակցությունն ակտիվացնելու առաջարկն օպերատիվ կերպով արձագանք է ստացել ՌԴ նախագահի աշխատակազմի կողմից: «Մենք բարձր ենք գնահատում, որ Դուք այսօր Երևանում եք և գլխավորում եք այսքան մեծ պատվիրակություն: Վստահ ենք, որ այսպիսի լայնամասշտաբ միջոցառումների անցկացման շնորհիվ կարող ենք պահպանել մեր երկու երկրների միջև ձևավորված հարաբերությունների բարձր մակարդակը: Այն բխում է մեր պետական և ազգային շահերից, արտացոլում` մեր ժողովուրդների միջև գոյություն ունեցող բարեկամությունը»,- ՌԴ նախագահի աշխատակազմի ղեկավարի հետ հանդիպմանն ասել է նախագահ Սերժ Սարգսյանը: Սերգեյ Նարիշկինը շնորհակալություն է հայտնել Հանրապետության ղեկավարին` ջերմ ընդունելության համար և շնորհավորել հայ-ռուսական միջտարածաշրջանային առաջին համաժողովի աշխատանքները բարձր մակարդակով կազմակերպելու և արդյունավետ քննարկումների կապակցությամբ: «Իսկապես, համաժողովը ցույց տվեց, թե ինչ հետաքրքրություններ ունեն մեր երկու երկրների տարածաշրջանները: Համաժողովը տարածաշրջաններին համագործակցության մեջ ներգրավելու լավ հնարավորություն է, որն իմ կարծիքով, ավելի կամրապնդի Հայաստանի և Ռուսաստանի գործընկերությունը»,-նշել է ՌԴ նախագահի աշխատակազմի ղեկավար Սերգեյ Նարիշկինը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
