  Կիրո Մանոյան. Թուրքերն ու ադրբեջանցիները միշտ և ամեն տեղ միասնական ճակատով են գործելու ընդդեմ Հայաստանի 10 մայիսի 2011 - 20:50 AMT PanARMENIAN.Net - Թուրքերն ու ադրբեջանցիները միշտ և ամեն տեղ միասնական ճակատով են գործել հակահայկական քաղաքականություն տարածելու համար: Այդ մասին PanARMENIAN.Net ի թղթակցին է հայտնել «Հայ Դատի» և ՀՅ Դաշնակցության քաղաքական հարցերով ղեկավար Կիրո Մանոյանը: «Հայտարարությունն այն մասին, որ ԱՄՆ թուրքական և ադրբեջանական կազմակերպությունները համատեղ պայքարելու են Կոնգրեսում Հայոց ցեղասպանության մասին բանաձևի ընդունման դեմ, ևս մեկ անգամ հաստատում է այդ փաստը: Թուրքիան և Ադրբեջանը հակահայկական քաղաքականության մեջ ակտիվ ներգրավել են իրենց համայնքներին, որոնք շարունակում են իրենց պետությունների քաղաքական ուղին»,- ասել է Մանոյանը: «Հայ Դատի» ղեկավարի խոսքով, Թուրքիան ու Ադրբեջանը միասնական ճակատով են հանդես գալիս ոչ միայն Հայոց ցեղասպանության ճանաչման դեմ, այլև մյուս հարցերում, որոնք կարևոր են հայ ժողովրդի համար: «Նրանք միասին են աշխատում ոչ միայն ԱՄՆ-ում, այլև աշխարհի բոլոր մայրաքաղաքներում»,- նկատել է Մանոյանը: ԱՄՆ-ում թուրքական և ադրբեջանական սփյուռքերը մտադիր են «համատեղ հակազդել» Կոնգրեսում Հայոց ցեղասպանության մասին բանաձևի ընդունմանը: ԱՄՆ ադրբեջանական և թուրքական սփյուռքերը պատրաստվում են քարոզարշավ մեկնարկել Կոնգրեսում Հայոց ցեղասպանության մասին 252 բանաձևի ընդունման վերաբերյալ հնարավոր քննարկումների կապակցությամբ: Հարավային Կալիֆոռնիայի հայ համայնքի հետ հանդիպմանը կոնգրեսական Ադամ Շիֆֆը պատմել է նոր նախաձեռնությունների մասին, որոնք ինքը մտադիր է քննարկման առաջադրել ԱՄՆ Ներկայացուցիչների պալատում: Նրա խոսքով, ինքը կրկին Կոնգրեսի օրակարգում կընդգրկի Հայոց ցեղասպանության մասին բանաձևը, կդիմակայի Ազատության մասին ակտի 907-րդ լրացումը, որը Հայաստանի շրջափակման պատճառով արգելում է օգնությունն Ադրբեջանին, չեղյալ հայտարարելու ջանքերին, ինչպես նաև կպայքարի Թուրքիայում ՀԱԵ եկեղեցական ունեցվածքի պաշտպանության համար: ԱՄՆ-ում բնակվող ադրբեջանցիներն ու թուրքերը հայտարարել են, որ «պայքար են մղելու» այդ առաջարկների դեմ և կանեն «ամեն ինչ», որպեսզի կոնգրեսականներին կոչ անեն կրկին ձեռնամուխ չլինել Հայոց ցեղասպանության մասին բանաձևի քննարկմանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
