  Իշխանությունն ու ընդդիմությունը որոշել են հանդիպել շաբաթական 2 անգամ, թեև ՀԱԿ-ն առաջարկում էր ամեն օր  4 օգոստոսի 2011 - 16:45 AMTPanARMENIAN.Net - Իշխանության և ընդդիմադիր Հայ ազգային կոնգրեսի (ՀԱԿ) ներկայացուցիչների միջև երկխոսության շրջանակում աշխատանքային խմբերի այսօրվա հանդիպմանը հիմնականում քննարկվել են առաջիկա բանակցությունների ընթացակարգային հարցերը: Այդ մասին հանդիպման ավարտից հետո լրագրողներին է հաղորդել կոալիցիոն խմբի ղեկավար Դավիթ Հարությունյանը: Նրա խոսքով, որոշվել է հանդիպել շաբաթական երկու անգամ` երեքշաբթի և ուրբաթ օրերին, և բանակցությունների ժամանակ սկզբում քննարկվելու է արտահերթ նախագահական և խորհրդարանական ընտրությունների անցկացման հարցը, որն առաջադրել է ՀԱԿ-ը: Նա ավելացրել է, որ ՀԱԿ-ը պետք է ներկայացնի երկրում արտահերթ ընտրությունների անհրաժեշտության հիմնավորումը: ՀԱԿ-ի աշխատանքային խմբի ղեկավար Լևոն Զուրաբյանն իր հերթին հայտնել է լրագրողներին, որ իրենք իշխանություններին բանակցությունների ամենօրյա ձևաչափ էին առաջարկել` հաշվի առնելով գործընթացի կարևորությունը, սակայն իշխող կոալիցիայի ներկայացուցիչներն առաջարկել են շաբաթական երկու անգամ հանդիպել, և իրենք համաձայնել են: Հուլիսի 26-ին` իշխանության և ՀԱԿ-ի ներկայացուցիչների միջև երկխոսության շրջանակում աշխատանքային խմբերի երկրորդ հանդիպման ժամանակ, ընդունվել է առաջիկա բանակցությունների օրակարգը, որը բաղկացած է երկու հարցերից: ՀԱԿ-ն առաջադրել է արտահերթ ընտրությունների պահանջը, իսկ իշխող կոալիցիան` քաղաքական մրցակցության ապահովման կանոնների մշակման հարցը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
