ՎԼԱԴԻՄԻՐ ՊՈՒՏԻՆ. «ՀԱՅՏԱՐԱՐՈՒԹՅՈՒՆՆԵՐԸ ԱՅՆ ՄԱՍԻՆ, ՈՐ ՑԱՆԿՈՒԹՅԱՆ ԴԵՊՔՈՒՄ ՌՈՒՍԱՍՏԱՆԸ ԱՆՀԱՊԱՂ ԿԿԱՐԳԱՎՈՐԻ ՂԱՐԱԲԱՂՅԱՆ ՀԱԿԱՄԱՐՏՈՒԹՅՈՒՆԸ, ԿԱՅՍԵՐԱՊԱՇՏ ՄՏԱԾԵԼԱԿԵՐՊԻ ՄՆԱՑՈՒԿ Է»26 սեպտեմբերի 2000 - 22:31 AMT PanARMENIAN.Net - «Չեմ կարծում, որ Ռուսաստանը առանձնահատուկ իրավունքներ ունի Ղարաբաղյան հակամարտության կարգավորման գործընթացքում: Մենք հստակ տեսնում ենք այն սահմանները, որոնք չպետք է անցնի Ռուսաստանը ցանկացած, այդ թվում` Ղարաբաղյան հակամարտության կարգավորման գործում»: Ինչպես Մոսկվայից հաղորդում է «ՄԵԴԻԱՄԱՔՍ» գործակալության հատուկ թղթակիցը, այսօր այս մասին հայտարարել է Ռուսաստանի նախագահ Վլադիմիր Պուտինը` Հայաստանի նախագահ Ռոբերտ Քոչարյանի հետ հանդիպումից հետո:Վլադիմիր Պուտինը հայտարարել է. «Ես շատ հաճախ լսում եմ, որ ցանկության դեպքում Ռուսաստանը անհապաղ կկարգավորի Ղարաբաղյան հակամարտությունը: Ես համամիտ չեմ նման պնդումներին եւ դրանք համարում եմ կայսերապաշտ մտածելակերպի մնացուկ»: Ռուսաստանի նախագահի խոսքերով, հակամարտության լուծումը պետք է գտնեն հակամարտող կողմերը, եւ Ռուսաստանը պատրաստ է աջակցել Հայաստանի եւ Ադրբեջանի նախագահների ցանկացած որոշմանը: «Մենք սատարում ենք նախագահներ Քոչարյանի եւ Ալիեւը անմիջական երկխոսությանը եւ կարեւոր քայլ ենք համարում կանոնավոր հանդիպումների անցկացման փաստը»: Պուտինը նշել է նաեւ, որ կարգավորման գործընթացում կողմերը կարող են գնալ տարբեր փոխզիջումների, եւ նա չի ցանկանում, որպեսզի տպավորություն ստեղծվի, որ դա կատարվում է Ռուսաստանի ճնշման ներքո: Հայաստանի նախագահ Ռոբերտ Քոչարյանը ասել է, որ հակամարտող կողմերը ինքնուրույն են փնտրում հակամարտության լուծումը` չդնելով այն միջնորդների ուսերին, ինչը, ըստ ամենայնի, ավելի հեծտ կլիներ: Միաժամանակ, ասել է Քոչարյանը, լուծումը գտնելուց հետո հակամարտող կողմերին անհրաժեշտ կլինի ԵԱՀԿ Մինսկի խմբի համանախագահող պետությունների աջակցությունը: Սակայն, ասել է Քոչարյանը, Հայաստանի բոլոր քաղաքական ուժերը համամիտ են այն կարծիքին, որ այս գործընթացում Ռուսաստանի դերը կլինի որոշիչ: «Ռուսաստանը պետք է հիմնական եւ վճռորոշ դեր խաղա», - ընդգծել է Հայաստանի նախագահը:-0- Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Ամենաընթերցվողը բաժնում | IDBank-ը՝ «Ներս արի» հաղորդման հյուր․ Պատմում ենք idcoin-ի մասին Քննարկման առանցքային թեման idcoin-ն էր՝ IDBank-ի լոյալության նոր միավորը Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է Շահինյանը Երթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատված ՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին |