  Այժմ միայն ՀՀԿ-ն է պատրաստ 100-տոկոսանոց համամասնական ընտրակարգին, համոզված է Արտակ Զաքարյանը  16 հունվարի 2012 - 13:46 AMTPanARMENIAN.Net - Իշխող ՀՀԿ խորհրդարանական խմբակցության անդամ Արտակ Զաքարյանի կարծիքով, այժմ միայն ՀՀԿ-ն է պատրաստ անցնելու 100-տոկոսանոց համամասնական ընտրակարգին: «Այժմ միայն ՀՀԿ-ն է պատրաստ 100-տոկոսանոց ընտրական համակարգով հաղթելուն, իր գործը շարունակելուն»,-ընդգծել է նա: Զաքարյանը մտավախություն է հայտնել, որ համամասնական ընտրահամակարգին անցնելը կարող է բացասաբար անդրադառնալ գալիք ընտրություններում ընդդիմության հնարավորությունների վրա: Ըստ նրա, Հայաստանում կուսակցությունների կայացման ավարտից հետո միայն, կարելի է խոսել 100-տոկոսանոց համամասնական ընտրակարգին անցնելու մասին: Իր հերթին ընդդիմադիր «Ժառանգություն» կուսակցության պատգամավոր Արմեն Մարտիրոսյանը հեգնանքով առաջարկել է ՀՀԿ-ին չանհանգստանալ ընդդիմադիր կուսակցությունների ճակատագրի մասին, և եթե նրանք այդքան վստահ են, որ կհաղթեն, ինչու չեն համաձայնում համամասնական ընտրահամակարգին անցնելուն: Հայաստանի ԱԺ բաղկացած է 131 պատագամավորներից, որոնցից 41-ն ընտրվում է մեծամասնական, 90-ը` համամասնական համակարգով: Ընդդիմադիր «Ժառանգություն» և ՀՅԴ կուսակցությունները դեկտեմբերի 27-ին համատեղ հայտարարությամբ են հանդես եկել` կոչ անելով իշխանություններին արգելել մեծամասնական ընտրահամակարգը և անցնել 100-տոկոսանոց համամասնական ընտրահամակարգին: Այս նախաձեռնությանն իրենց աջակցությունն են հայտնել ՀԱԿ-ը և մի շարք այլ ընդդիմադիր ուժեր:   4 16.01.12 - ԱԺ ՀՀԿ խմբակցության պատգամավոր Արտակ Զաքարյանի և ԱԺ "Ժառանգություն" խմբակցության պատգամավոր Արմեն Մարտիրոսյանի ասուլիսը      Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Վերջին լուրեր Լոռի Բերդ ամրոցի եկեղեցու վերականգնումը սկսվել է  Ընտրվել են վերականգնման համար անհրաժեշտ քարատեսակները, մաքրվել է տանիքների վրա կուտակված հողի շերտըՀուլիսի 1-ից Ջրային պարեկները կանցնեն ուժեղացված ծառայության Իրավախախտումների համար նախատեսված են տուգանքներԲագրատ սրբազան. Շարժումը չի դադարեցվի` վերադասավորումների փուլ է «Այս պայքարը չընդհատվող պայքար է և հաղթանակ ունեցող պայքար է»,–ասել է նա |
