  ԿԱՄԵՆԵՑ ՊՈԴՈԼՍԿԸ ԵՎ ԷՋՄԻԱԾԻՆԸ ԿԴԱՌՆԱՆ ՔՈՒՅՐ ՔԱՂԱՔՆԵՐ 7 հուլիսի 2005 - 09:14 AMT PanARMENIAN.Net - Օրերս Ուկրաինայի Կամենեց Պոդոլսկ քաղաքում Ուկրաինայի հայերի միության եւ Հայաստանի դեսպանության համատեղ նախաձեռնությամբ անցկացվել են հայ մշակույթի օրեր, հաղորդում է ՀՀ ԱԳՆ-ն: Բացման արարողությանը ելույթով հանդես են եկել Կամենեց Պոդոլսկի քաղաքապետը եւ Ուկրաինայում Հայաստանի դեսպան Արմեն Խաչատրյանը: Իրենց արվեստն են ներկայացրել Ուկրաինայում բնակվող հայ նկարիչները եւ Ուկրաինայի հայերի միության «Հայրենիք» պարախումբը: Կամենեց Պոդոլսկում տեղադրվել է 1915թ. ցեղասպանության զոհերի հիշատակին նվիրված խաչքար, որի օծման արարողությունը կատարել է Հայ առաքելական եկեղեցու ուկրաինական թեմի առաջնորդ արքեպիսկոպոս Գրիգորիս Բունիաթյանը: Ի նշան երախտագիտության քաղաքի հիմնադրման գործում հայերի ունեցած ներդրման, Կամենեց Պոդոլսկի իշխանությունները որոշում են կայացրել ներկայումս ավերված նախկին հայկական եկեղեցու տարածքը հատկացնել տեղի հայ համայնքին` նոր եկեղեցի կառուցելու նպատակով: Կամենեց Պոդոլսկ կատարած այցի ընթացքում Ա.Խաչատրյանը հանդիպումներ է ունեցել քաղաքի ու մարզի վարչակազմերի ղեկավարների, ինչպես նաեւ Ուկրաինայի հայ համայնքների ղեկավարների հետ, որոնց հետ քննարկվեցին հայ-ուկրաինական հարաբերությունների զարգացման հարցեր: Հաշվի առնելով Կամենեց Պոդոլսկում եկեղեցիների, հոգեւոր-մշակութային արժեք ներկայացնող հուշարձանների առատությունը` Հայաստանի դեսպանը եւ քաղաքի իշխանությունները պայմանավորվածություն են ձեռք բերել Կամենեց Պոդոլսկը եւ Էջմիածինը (Հայաստան) քույր քաղաքներ դարձնելու վերաբերյալ:  Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը   Ամենաընթերցվողը բաժնում |  Բաժիններ թեմայով Վերջին լուրեր Fastex-ը Երևանում է հյուրընկալում 5-րդ Harmony Meetup-ի web3 մասնագետներին  Պանելային քննարկումների կարմիր թելը «կենտրոնացած է ապակենտրոնացման» վրաԱկբա Լիզինգը գլխամասային նոր գրասենյակ ունի Գլխամասային գրասենյակն ունի անհատական ավտոկայանատեղի, գործնական հանդիպումների համար սրահներ«Ազատություն»․ ՀՀ-ն 10 մլն եվրո կստանա ԵՄ Խաղաղության հիմնադրամից՝ Հունգարիան հանել է արգելանքը Ավելի վաղ հայտնի դարձավ, որ Ադրբեջանին ևս 10 մլն եվրո կհատկացվի՝ ականազերծման համարԲաքուն «անհիմն և անարդար» է անվանել ԵԽ Խոշտանգումների կանխարգելման կոմիտեի հայտարարությունը Ըստ Բաքվի՝ Կոմիտեն աննախադեպ որոշում է կայացրել՝ հրապարակելով զեկույցն առանց Ադրբեջանի համաձայնության |
