Տաթևում ՀՀ փոխվարչապետը քննարկեց ճոպանուղու կառուցման հարցը 3 սեպտեմբերի 2010 - 21:14 AMT PanARMENIAN.Net - Սեպտեմբերի 3-ին Հայաստան վերադառնալուց առաջ, ՀՀ փոխվարչապետ, տարածքային կառավարման նախարար Արմեն Գևորգյանը հանդիպել է ԼՂՀ վարչապետ Արա Հարությունյանի հետ: ԼՂՀ-ից փոխվարչապետը մեկնեց Սյունիքի մարզ, ճանապարհին ծանոթացավ նաև Գորիս-Ստեփանակերտ ավտոմայրուղու Տեղ համայնքին հարող հատվածի և Երևան-Մեղրի միջպետական մայրուղու Սիսիան-Գորիս հատվածի վերակառուցման աշխատանքների ընթացքին, որոնց համար կառավարությունը վերջերս հատկացրել է շուրջ 2.9 մլրդ դրամ: Տաթևում Սյունիքի մարզպետի, ՀՀ քաղաքաշինության, տրանսպորտի և կապի նախարարության պատասխանատուների, Ազգային մրցունակության հիմնադրամի, «Ամերիա» ընկերության, շահագրգիռ այլ մարմինների ներկայացուցիչների մասնակցությամբ քննարկվեցին ճոպանուղու կառուցման, Երևան- Մեղրի միջպետական մայրուղուց դեպի Տաթևի համալիր տանող ճանապարհի վերակառուցման ընթացքին, ճանապարհամերձ շինությունների բարեկարգման, ինչպես նաև հոկտեմբերի 16-ին ճոպանուղու պաշտոնական ներկայացման արարողության կազմակերպմանը վերաբերող հարցեր: Ազգային մրցունակության հիմնադրամի պատասխանատուները փոխվարչապետին ներկայացրեցին հիմնական միջոցառումների վայրը, հյուրերի ժամանման, տեղակայման, արարողության լուսաբանման նպատակով լրատվամիջոցների աշխատանքների կազմակերպման հետ կապված հարցեր: Նշվեց, որ ճոպանուղու և ճանապարհաշինական աշխատանքներն իրականացվում են ժամանակացույցին համապատասխան: Ճանապարհաշինական աշխատանքները նախատեսվում է ավարտել մինչև հոկտեմբերի 10-ը: Այս մասին հաղորդում է ՀՀ տարածքային կառավարման նախարարության մամլո ծառայությունը: Ուշագրավ Սոչի-Երևան չվերթի ինքնաթիռն ուղևորվել է Թբիլիսիի օդանավակայան Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Ամենաընթերցվողը բաժնում | Միրզոյանն ու Կոբախիձեն ընդգծել են՝ ռազմավարական գործընկերության զարգացումը նոր լիցք կհաղորդի փոխգործակցությանը Նրանք քննարկել են նաև տարածաշրջանային անվտանգության հարցեր Ըմբիշ Գասպար Տերտերյանը՝ Մ20 ԵԱ փոխչեմպիոն, Էրիկ Տեր-Մաթևոսյանը՝ բրոնզե մեդալակիր Նովի Սադում ընթանում է հունահռոմեական ոճի ըմբշամարտի առաջնությունը Իրավապաշտպան․ 3 զինվորի մահ՝ 18 օրում, պետությունն է պատասխանատու զինվորի կյանքի համար «Դեռ զինվորին հողին չհանձնած, ընտանքը մեղայական խոսքերի փոխարեն լսում էր մեղադրանքներ ու սպառնալիքներ»,–գրել է նա Միրզոյան․ Ադրբեջանը նոր, երբեմն արհեստական խոչընդոտներ է ստեղծում պայմանագրի ստորագրումը երկարաձգելու համար Նա նաև կարևորել է սահմանազատման գործընթացի շարունակականությունը |