  ՀՀ Գլխավոր դատախազություն. ՀԴԲ-ի որևէ աշխատակից Հայաստան չի ժամանել  9 նոյեմբերի 2010 - 21:25 AMTPanARMENIAN.Net - Մամուլի հրապարակումներն այն մասին, թե ԱՄՆ հետաքննությունների դաշնային բյուրոյի 8 աշխատակից ժամանել է Հայաստան, չեն համապատասխանում իրականությանը: ԱՄՆ իրավապահ մարմինների կողմից բանկային և բժշկական ապահովագրության ոլորտում բացահայտված զեղծարարությունների քրեական գործով ԱՄՆ Հետաքննությունների դաշնային բյուրոյի որևէ գործակալ Հայաստան չի ժամանել: Այդ մասին հաղորդում է ՀՀ Գլխավոր դատախազության մամլո ծառայությունը: Հաղորդագրության համաձայն, հայկական մամուլում տպագրված այդօրինակ լուրերի անհեթեթության մասին փաստել էր ԱՄՆ Հետաքննության դաշնային բյուրոյի իրավական հարցերով կցորդ Քեվին Դոնովանը` ՀՀ գլխավոր դատախազի հետ դեռևս հոկտեմբերի 21-ին տեղի ունեցած հանդիպման ժամանակ` հայտարարելով, որ ՀԴԲ-ի որևէ աշխատակից Հայաստան չի ժամանել: «Ինչ վերաբերում է Քեվին Դոնովանին, ապա հարկ ենք համարում պարզաբանել, որ նա տարածաշրջանում ԱՄՆ հետաքննությունների դաշնային բյուրոյի ներկայացուցիչն է և նրա հիմնական նստավայրը Թբիլիսին է»,- նշվում է հաղորդագրության մեջ: ՀՀ Գլխավոր դատախազության մամլո ծառայության հաղորդմամբ, հանդիպման ընթացքում Քեվին Դոնովանը շնորհակալություն է հայտնել ցուցաբերված համագործակցության պատրաստակամության համար և նշել, որ քրեական գործով անհրաժեշտություն առաջանալու դեպքում ԱՄՆ-ն կդիմի իրավական փոխօգնության խնդրանքով: «Առ այս պահը Հայաստանի իրավապահ մարմինները չեն ստացել իրավական փոխօգնության խնդրանք, հետևապես մամուլի այն հրապարակումները, թե ՀԴԲ-ի աշխատակիցներ են Հայաստան ժամանել և սկսել իրականացնել ինչ-ինչ ստուգումները` ընդամենը հերյուրանքներ են, երևակայության արգասիք: Որևէ երկրի իրավապահ մարմնի աշխատակից չի կարող որևէ այլ երկրի տարածքում իրականացնել որևէ քննչական գործողություն` առանց տվյալ երկրի իրավապահ մարմինների նախնական համաձայնությունը ստանալու: Հայաստանի և ԱՄՆ-ի իրավապահները նախկինում ևս համագործակցել են կոնկրետ քրեական գործերով` միմյանց ցուցաբերելով իրակավան օգնություն, և դիտարկվող քրեական գործը բացառություն չէ. իրավական փոխօգնության հարցման դեպքում դատախազությունն իր լիազորությունների շրջանակներում կաջակցի, իսկ առ այս պահը նման խնդրանք չի ստացվել»,- ընդգծվում է հաղորդագրության մեջ:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
