Համաշխարհային բանկը ամփոփել է է Հայկական բուհերի ուսանողների շրջանում ակնարկների մրցույթը

 28 ապրիլի 2011 - 15:37 AMT

PanARMENIAN.Net - Համաշխարհային բանկի Երևանի գրասենյակը հայտարարել է Հայաստանի ԲՈՒՀ-երի ուսանողների շրջանում փետրվարի 1-ից մարտի 10-ն անցկացված ակնարկների մրցույթի անդյունքները:

«Ինչպե՞ս կարող է Հայաստանի կառավարությունը հաղթահարել վերջին տնտեսական ճգնաժամի բացասական հետևանքները» թեմայով 1-ին մրցանակին արժանացել են Արմինե Բաբախանյանը, Էվելինա Բեկնազարյանը և Վեներա Մարտիրոսյանը (Հայաստանի Ամերիկյան Համալսարան, Բիզնես կառավարում, մագիստրատուրա, 2-րդ կուրս): Մյուս մրցանակներին արժանացել են ուսանողներ Հայաստանի պետական տնտեսագիտական համալսարանից, Հայաստանի ֆրանսիական համալսարանից և Հայաստանի պետական տնտեսագիտական համալսարանից: Խրախուսական մրցանակ ստացավ Սաթենիկ Մարտիրոսյանը (Գավառի պետական համալսարան, Տնտեսագիտություն, 3-րդ կուրս):

«Ի՞նչ արժեք ունեն Հայաստանի անտառները» թեմայով ակնարկները քննող հանձնաժողովը 1-ին և 2-րդ մրցանակներ չի շնորհել, քանի որ ներկայացված ակնարկները չեն ապահովել բովանդակային և որակական բարձր մակարդակ: 3-րդ մրցանակին արժանացել են Արմինե Ասատրյան (Գավառի պետական համալսարան, Տնտեսագիտություն, 2-րդ կուրս), և Լևոն Ղուկասյան (Գիտությունների ազգային ակադեմիա, Գիտակրթական միջազգային կենտրոն, դեղագործական քիմիա, մագիստրատուրա, 1-ին կուրս), իսկ 4-րդ մրցանակին Սաթինե Սմբատյանը (Երևանի պետական համալսարան, Ռոմանագերմանական ֆակուլտետ, 4-րդ կուրս), և Աննա Հայրապետյան (Երևանի Վ. Բրյուսովի անվան պետական լեզվաբանական համալսարան, Միջազգային հարաբերություններ, մագիստրատուրա, 1-ին կուրս):

Համաշխարհային բանկի Երևանի գրասենյակը շնորհավորում է հաղթողներին և շնորհակալություն հայտնում բոլոր 135 դիմորդներին այս մրցակցային ծրագրին մասնակցելու համար: