ՀՀ սփյուռքի նախարարությունում կազմակերպվեց հեռակոնֆերանս Հալեպի հայ համայնքի ներկայացուցիչների մասնակցությամբ28 ապրիլի 2011 - 18:52 AMT PanARMENIAN.Net - Ապրիլի 28-ին ՀՀ սփյուռքի նախարարությունում կազմակերպվեց հեռակոնֆերանս Հալեպի հայ համայնքի ներկայացուցիչների մասնակցությամբ: Հայաստանից հեռակոնֆերանսին մասնակցում էին ՀՀ սփյուռքի նախարար Հրանուշ Հակոբյանը և նախարարության աշխատակազմի բոլոր վարչությունների պետերը: Հալեպում Հայաստանի Հանրապետության գլխավոր հյուպատոսարանում տեսակոնֆերանսին մասնակցում էին Հալեպում ՀՀ գլխավոր հյուպատոս Աշոտ Մանուկյանը, Սիրիայում ՀՀ սփյուռքի նախարարի խորհրդական Լենա Հալաջյանը, Հալեպի հայկական վարժարանների տնօրեններ, ուսուցիչներ, հայ համայնքի ներկայացուցիչներ: Հրանուշ Հակոբյանը ողջունելով տեսակոնֆերանսի մասնակիցներին` ներկայացրեց ՀՀ սփյուռքի նախարարության 2011թ. ծրագրերը` մասնավորապես անդրադառնալով Սփյուռքի ներուժի համախմբման նպատակով այս տարի ՀՀ սփյուռքի նախարարության կողմից կազմակերպվելիք համահայկական համաժողովներին («Առևտրաարդյունաբերական պալատների ղեկավարների», «Սփյուռքի զարգացման հեռանկարները գլոբալացվող աշխարհում», պլաստիկ վիրաբույժների, հայ բժիշկների, Սփյուռքի կազմակերպությունների ներկայացուցիչների և համայնքների ղեկավարների, հայ խոհարարների, հայ սրտաբանների, հայ ֆերմերների համաժողովներ, Ճարտարապետների և շինարար-ճարտարագետների համահայկական երկրորդ համաժողով, «Երիտասարդ լրագրողների վերապատրաստման դասընթաց-հավաք», Երիտասարդ առաջնորդների ամառային դպրոց և այլն): ՀՀ սփյուռքի նախարարն անդրադարձավ նաև նախարարության «Մեր մեծերը», «Արի տուն» ծրագրերին, ծանոթացրեց նախարարության կողմից ստեղծված էլեկտրոնային գրադարանին: Հալեպից հեռակոնֆերանսի մասնակիցները բազմաթիվ հարցեր ուղղեցին նախարարին, որոնք վերաբերում էին սփյուռքահայ ուսուցիչների վերապատրաստման ծրագրին, արևմտահայերենի միասնական դասագրքի ստեղծմանը և այլն: Հեռակոնֆերանսի ընթացքում Հալեպում ՀՀ գլխավոր հյուպատոսարանում կատարվեց նաև ՀՀ սփյուռքի նախարարության կազմակերպած «Մեր լեզուն մեր հայրենիքն է» խորագրով շարադրության մրցույթի հաղթող աշակերտների պարգևատրման արարողություն, հաղորդում է ՀՀ սփյուռքի նախարարության մամլո ծառայությունը: ![]() ![]() Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման ![]() ![]() ![]() | ![]() ![]() ![]() ![]() ![]() ![]() ![]() ![]() |