Արդեն հայտնի են, թե ինչպիսի հավաքականներ կներկայացնեն Հայաստանը Մոսկվայի աշխարհի առաջնությանը

PanARMENIAN.Net - Մոսկվայում ելույթ կունենան օլիմպիական խաղերի բրոնզե մեդալակիր, ԱԱ արծաթե մեդալակիր և Եվրոպայի չեմպիոն Ռոման Ամոյանը (55 ք/կ), Վահան Ջուհարյանը (60 ք/կ), Արման Ադիկյանը (66 ք/կ), Եվրոպայի չեմպիոն Արսեն Ջուլֆալակյանը (74 ք/կ), Դենիս Ֆորովը (84 ք/կ), Սարգիս Տոնոյանը (96 ք/կ), օլիմպիական խաղերի բրոնզե մեդալակիր և Եվրոպայի բազմակի չեմպիոն Յուրի Պատրիկեևը (120 ք/կ):

Օգոստոսի 25-ից հավաքականը վերջին հավաքը կանցկացնի Երևանում և սեպտեմբերի 4-ին կմեկնի Մոսկվա:

Իսկ ազատ ոճի ըմբշամարտի Հայաստանի հավաքականի գլխավոր մարզիչ Արայիկ Բաղդադյանը ներկայացրել է հետևյալ կազմը. Գեղամ Բաբախանյան (55 ք/կ), Արթուր Առաքելյան (60 ք/կ), Եվրոպայի առաջնության բրոնզե մեդալակիր Ժիրայր Հովհաննիսյան (66 ք/կ), Սուրեն Մարկոսյան (74ք/կ), Վադիմ Լալիև (84 ք/կ), Եվրոպայի առաջնության բրոնզե մեդալակիր Էդգար Ենոքյան (94 ք/կ) և Եվրոպայի առաջնության արծաթե մեդալակիր Ռուսլան Բասիև (120 ք/կ):

Ֆուտբոլ. Օգոստոսի 23-ին Հայաստանի ազգային հավաքականի մարզչական շտաբը`Վարդան Մինասյանի գլխավորությամբ հրապարակեց ազգային ընտրանու ընդլայնված կազմը, որը կնախապատրաստվի 2012թ. Եվրոպայի առաջնության Իռլանդիայի և Մակեդոնիայի հավաքականների հետ կայանալիք ընտրական հանդիպումներին:

Հայաստանի և Իռլանդիայի ազգային հավաքականների միջև ֆուտբոլային խաղի տոմսերը գների փոփոխության պատճառով հանվել են վաճառքից, քանի որ հավաքականի երկրպագուները դժգոհ են եղել: Նոր տոմսերը կարժենան 200-6000 դրամ: Հայաստան-Իռլանդիա հանդիպումը կսպասարկի Հունգարիայի մրցավարական անձնակազմը` Ժոլտ Սաբոյի գլխավորությամբ: Նրան կօգնեն Ռոբերտ Կիշպալը և Ժոլտ Վարգան: 4-րդ պաշտոնյա է նշանակվել Յոժեֆ Բերգերը:

Մակեդոնիա-Հայաստան հանդիպման մրցավարը կլինի Էսպեն Բերնտսենը: Մրցավարի օգնականներ են նշանակվել Գեյր Ագե Հոլենը և Օդ-Յարլե Լարսենը: 4-րդ պաշտոնյանի պարտականությունները կկատարի Թոմ Հարալդ Հագենը: Մրցավարական անձնակազմը ներկայացնում է Նորվեգիան:

Օգոստոսի 25-ին Հայաստանի ֆուտբոլի կանանց հավաքականը Աշխարհի գավաի 2011 թվականի ընտրական մրցաշարի շրջանակներում «Միկա» մարզադաշտում հանդիպեց Պորտուգալիայի հավաքականին և պարտվեց 3:0 հաշվով: Հայաստանի հավաքականը առանց միավորների եզրափակում է 7-րդ խմբի մրցաշարային աղյուսակը:

Օգոտոսի 21-ին և 22-ին կայացել են Հայաստանի ֆուտբոլի Բարձրագույն լիգայի 18-րդ տուրի խաղերը: Միակ ոչ ոքին գրանցվել է «Կիլիկիա»-«Իմպուլս» խաղում:

«Միկան» Գյումրիում կարողացել է հաղթել «Շիրակին» Էդնեյ դե Օլիվեյրայի գոլի շնորհիվ: Արսեն Բալաբեկյանի գոլի շնորհիվ «Բանանցը» կարողացավ 1:0 հաշվով հաղթել «Գանձասարին» և շարունակում է գլխավորել մրցաշարային աղյուսակը (44 միավոր): Հայաստանի առաջնության կենտրոնական խաղում «Փյունիկը» 5:1 հաշվով ջախջախիչ պարտության է մատնել «Ուլիսին»: Այսպիսով, «Փյունիկը» 39 միավորով բարձրացել է երկրորդ հորիզոնական, «Ուլիսը» 38 միավորով 3-րդ տեղում է:

Ուկրաինայի գլխավոր լիգայում Դոնեցկի «Մետալուրգը» 7-րդ մրցաշարում ընդունել է «Վորսկալին» և հաղթել 2:0 հաշվով: «Մետալուրգի» երկրորդ գոլը խփել է թիմի ավագ Հենրիխ Մխիթարյանը: Արտակ Դաշյանը` որպես փոխարինող դաշտ է դուրս եկել խաղի երկրորդ կեսին: Մրցաշարում Դոնեցկի ակումբը 10 միավորով զբաղեցնում է 8-րդ տեղը:

Դանիայի առաջնության 6-րդ մրցաշրջանում «Ռանդերսը» ոչ ոքի խաղաց «Սիլկեբորգի» հետ: «Ռանդերսի» կազմում են հանդես եկել Հայաստանի հավաքականի հարձակվող Յուրի Մովսիսյանը և պաշտպան Ռոբերտ Արզումանյանը: «Ռենդերսը» մրցաշարային աղյուսակում 9 միավորով զբաղեցնում է 5-րդ տեղը:

Ռուսաստանի առաջին դիվիզիոնի 25-րդ մրցաշարում «Խիմկին» հյուրընկալվել է առաջնությունը գլխավորող «Կուբանին»: Նվազագույն հաշվով հաղթանակել են «Կուբանի» ֆուտբոլիստները: Հայաստանի հավաքականի դարպասապահ Ռոման Բերեզովսկու պաշտպանության տակ եղած դարպասին գոլ է խփել Սերգեյ Դավիդովը:

«Խիմկին» 36 միավորով զբաղեցնում է 9-րդ տեղը: Իսկ «Ուրալ» թիմը, որտեղ խաղում էին Դենիս Թումասյանը և Արթուր Մալոյանը խաղացել է «Սալյուտի» հետ` 1:1 հաշվով և 40 միավորով զբաղեցնում է 5-րդ տեղը:

Շախմատ. Երևանում ավարտվել է առաջին Համահայկական շախմատային օլիմպիադան, որը կազմակերպվել էր ՀՀ սփյուռքի նախարարության, Շախմատի ֆեդերացիայի և Հայաստանի Շախմատի ակադեմիայի կողմից:

Մրցաշարն ընթացել է անհատական և թիմային պայքարում շվեյցարական համակարգով: Թիմային առաջնությունում լրացուցիչ արդյունքներով հաղթել է ԱՊՀ թիմը, երկրորդ տեղում են Երևանի շախմատիստները, երրորդ տեղում` եվրոպացի շախմատիստները:

Անհատական պայքարում անգերազանցելի էր Պողոս Նահապետյանը (Ռուսաստան), երկրորդ տեղում է` Տիգրան Պետրոսյանը (Երևան), երրորդ տեղում` Գրիգոր-Սևակ Մխիթարյանը (Բրազիլիա): Կանանց շարքում հաղթող է դարձել Դիանա Հարությունովան (Ուկրաինա), երկրորդ տեղում է Տաթև Աբրահամյանը (ԱՄՆ), երրորդ տեղում` Սիրանուշ Անդրեասյանը (Հայաստան): Բոլոր հաղթողները ստացել են դրամական պարգևներ: Հատուկ մրցանակներ են ստացել ամենակրտսեր մասնակիցները` Սամվել Սևյանը (Սան Ֆրանցիսկո) և Մանուել Պետրոսյանը (Արցախ):

Օլիմպիադային մասնակցում էին 12 թիմեր (40 շախմատիստներ) 10 երկրներից: Յուրաքանչյուր թիմ ներկայացնում էին 3 պատանի և մեկ աղջիկ: Թիմերը կազմվել էին տարածաշրջանային սկզբունքով` Հայաստան և Ռուսաստան (երկուական թիմ), Արցախ, ԱՊՀ, Եվրոպա, Մերձավոր և Միջին Արևելք, Հյուսիսային և Հարավային Ամերիկա (մեկական թիմ):

Օլիմպիադա. Հայ մարզիկներն ավարտել են իրենց ելույթները Սինգապուրի ամառային պատանեկան օլիմպիական խաղերում: Արծաթե մեդալ է նվաճել ծանրորդ Գոռ Մինասյանը, բրոնզե մեդալներ են նվաճել` Սմբատ Մարգարյանը, ազատ ոճի մարզիկ Արտակ Հովհաննիսյանը և ձյուդոիստ Դավիթ Ղազարյանը:

Թենիս. Դավիթ Նալբանդյանը չկարողացավ հաղթահարել Ցինցինատիում ընթացող Western & Southern Financial Group Masters 2010-ի երրորդ շրջանը: Նա զիջեց աշխարհի երրորդ ռակետ սերբ Նովակ Ջոկովիչին

Նալբանդյանը պարտվել է 6:1, 7:6 հաշվով: Հանդիպումը շարունակվել է 1 ժամ 37 րոպե: Սա սերբի երրորդ հաղթանակն է արգենտինացու նկատմամբ, որը թույլ է տվել նրան մեծացնել իր առավելությունը մրցակցի հետ անձնական հաշվում (4-1): ATP (Թենիսի միջազգային ասոցիացիան) օգոստոսի 23-ին հրապարակել է աշխարհի ուժեղագույն թենիսիստների հերթական վարկանիշային սանդղակը:

Արգենտինահայ թենիսիստ Դավիթ Նալբանդյանը Ցինցինատիում (ԱՄՆ) Western & Southern Financial Group Masters առաջնությունում հաջող ելույթներից հետո հերթական անգամ բարձրացել է վարկանիշային սանդղակում: Նախորդ վարկանիշի համեմատ Նալբանդյանը բարձրացել է չորս հորիզոնականով և 33-րդ տեղն է զբաղեցնում 1235 միավորով: