Հուլիսի 6-ին մեկնարկում են Եվրո-2016-ի կիսաեզրափակիչ խաղերը: Ֆրանսիայի, Գերմանիայի, Պորտուգալիայի և Ուելսի հավաքականները կխաղարկեն պարգևների հավաքածուները և կորոշվեն Եվրոպայի լավագույն ֆուտբոլիստները:

Տղամարդկանց սպորտային մարմնամարզություն. 6 վարժություն՝ նժույգթափեր, հենացատկ, օղակներ, զուգափայտեր, պտտաձող, մանրահատակ: Դրանցից երեքում հայ մարմնամարզիկները դարձել են 2016-ի Եվրոպայի առաջնության չեմպիոն և փոխչեմպիոններ:

Ծանրության բարձրացման առաջին պաշտոնական մրցումները կազմակերպվել են ԱՄՆ-ում 19-րդ դարի կեսերին։ Որպես առանձին մարզաձև, ծանրամարտն ընդգրկվել է 1896-ի ժամանակակից առաջին Օլիմպիական խաղերի ծրագրում։ Դրանից միայն 30 տարի անց՝ 1927-ից, Հայաստանում սկսել են զբաղվել ծանրամարտով, երբ հանրապետական սպորտկոմիտեին կից սկսեց գործել ծանրամարտի խումբը։ Մեկ տարի անց՝ 1928-ին, Երևանում անցկացվեց ծանրամարտի հանրապետական առաջին առաջնությունը։ Հայ ծանրամարտիկները, 1928-ից սկսած, մասնակցել են Խորհրդային Միության, 1947-ից՝ Եվրոպայի առաջնություններին։

Գրոսմայստեր Լևոն Արոնյանը 2005 թվականի շախմատի աշխարհի գավաթակիր է, Լինարեսի (2006), Վեյկ ան Զեեի (2007,2008, 2012,2014) և Բիլբաոյի (2009, 2013) գերմրցաշարերի, 2006, 2010 և 2011թթ. Տալի հուշամրցաշարերի, 2008/2009 ՖԻԴԵ-ի Գրան պրիի, ռապիդի աշխարհի առաջնության (2009) հաղթող, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, բազմաթիվ այլ մեծ նվաճումների հեղինակ: Նրան պակասում է միայն շախմատի աշխարհի ամենահեղինակավոր և գլխավոր տիտղոսը` աշխարհի չեմպիոնի կոչումը:

Այն, որ սպորտային վարժություններն օգտակար են, բոլորին է հայտնի: Դրանք բարելավում են սիրտանոթային համակարգի գործունեությունը, կարգավորում են փոխանակման գործընթացները և շաքարի պարունակությունն արյան մեջ, կայունացնում են արյան ճնշումը, բարձրացնում են կոփվածությունը և օրգանիզմի դիմադրողականությունը:

Հոկտեմբերի 14-ին Բելգրադում Ալբանիայի և Սերբիայի ֆուտբոլի հավաքականների հանդիպումը քաղաքականության, խաղադաշտում մարզիկների, իսկ տրիբունաներում՝ ֆանատների բախումների պատճառով հայտնվեց ուշադրության կենտրոնում: Նշենք, որ Սերբիան Հայաստանի մրցակիցներից է Եվրո-2016 ընտրական փուլում: PanARMENIAN.Net-ը հիշել է ֆուտբոլի պատմությունից մի քանի աղմկահարույց դեպք, երբ այդ սպորտաձևն իրար դեմ է հանել, հաշտեցրել, կամ էլ քաղաքական ու ազգամիջյան խնդիրների զոհ դարձել:

Ֆուտբոլի աշխարհի առաջնության մեկնարկից ի վեր, որը տրվեց 1930-ին, եզրափակչում ընդամենը 56 ֆուտբոլիստ է գոլի հեղինակ դարձել։ Այսօր նրանցից ոչ բոլորն են ողջ, ու լուսանկարիչ Մայքլ Դոնալդը (Michael Donald) որոշել է «հավաքել» նրանց բոլորին «Ես գոլ եմ խփել Աշխարհի առաջնությունում» (I Scored a Goal in the FIFA World Cup Final) ֆոտոնախագծում։ Արդյունքում Passion Pictures-ի հետ համատեղ արած ֆիլմը նոմինցավել էր Էմմիի, ինչպես նաև «Վեբբի» միջազգային պրոֆեսիոնալ ինտերնետ-մրցանակ ստացել։

Ոչինչ չի կարող համեմատվել այն զգացողության հետ, երբ առավոտյան արթնանում ես և հիշում, որ երեկոյան քո երկրի ազգային հավաքականը հաղթանակ է տոնել, այն էլ շատ տպավորիչ ու գեղեցիկ:

Հայաստանի ֆուտբոլի հավաքականը 2014 թվականի աշխարհի առաջնության ընտրական մրցաշարում հինգ խաղում կրեց իր 4-րդ պարտությունը, այն էլ խմբում վարկանիշով իրենից ամենացածր թիմից:

Ըստ սպորտի և երիտասարդության հարցերի նախարարության, Հայաստանում մենապայքարային մարզաձևերից ամենամասսայականը համարվում է ձյուդոն: Այսօր մեր երկրում այս մարզաձևով պարապում է ավելի քան 3000 հոգի: Այս շաբաթ PanARMENIAN.Net-ը կներկայացնի հայկական ձյուդոյում առկա խնդիրներից ևս մի քանիսը: