Հայ լեռնադահուկորդ Արսեն Ներսիսյանը դուրս մնաց հետագա պայքարից

PanARMENIAN.Net -
Հայկական թիմի երրորդ ներկայացուցիչ, լեռնադահուկորդ Արսեն Ներսիսյանը դուրս մնաց հետագա պայքարից Վանկուվերում ընթացող 21-րդ ձմեռային Օլիմպիական խաղերում:



Ինչպես հաղորդում է armnoc.am-ը, հսկա ոլորավայրէջքում 103 մասնակիցներից Ներսիսյանը 13 այլ լեռնադահուկորդների թվում չկարողացավ հաղթահարել հեռավորությունը: Այդ սպորտաձեւում չեմպիոն դարձավ շվեյցարացի Կառլո Յանկան (2.37.83), երկրորդ տեղում նորվեգացի Կյետիլ Հանսրուդն է (2.38.22), երրորդը Ակսել Լունդ Սվինդալն է (2.38.44):



Փետրվարի 24-ին հսկա ոլորավայրէջքում հանդես կգա Հայաստանի վերջին ներկայացուցիչը` Անի-Մատիլդա Սերեբրյակյանը:



Ավելի վաղ ելույթ ունեցած լեռնադահուկորդներ Սերգեյ Միքայելյանն ու Քրիստինե Խաչատրյանը համապատասխանաբար 70-րդ եւ 76-րդ տեղերն են զբաղեցրել: