էկոտուրիզմ օտարազգիների համարՍյունիքում գումար են վաստակում արդի տուրիստական ծառայություններով Սոչիից Հայաստան տեղափոխված ամուսիններ Արմեն Կազարյանի ու Սիրանուշ Վարդանյանի ստեղծած «ԱՐՔ» ՀԿ-ն 2015-ին Կապանում էկոճամբար է հիմնում: Աշխարհի տարբեր երկրներից էկոտուրիզմի սիրահարների՝ հեծանվորդների, լեռնագնացների, արշավականների շրջանում ճամբարը բարձր պահանջարկ է վայելում: Ամուսինները որոշում են այն վերածել սոցիալական ձեռնարկատիրության և, ներգրավելով համայնքի բնակչներին զբոսաշրջության շուկա, զարգացնել Հայաստանի հարավային համայնքները: 29 հունվարի 2018 PanARMENIAN.Net - Սյունիքը՝ էկոտուրիզմի հայկական կենտրոն Սյունիքի Կապանում և Առաջաձոր գյուղում գործող էկոճամբարների հիմնական այցելուներն արտասահմանցիներ են: «Հայաստանի հարավի բնությունը չափազանց գրավիչ է նրանց համար: 2017-ին հասցրել ենք մոտ 300 զբոսաշրջիկ ընդունել: Այստեղ ճամբարային և զբոսավարական ծառայություններ են մատուցվում, ինչպես նաև իրականացվում են կրթական և վերականգնողական ծրագրեր»,- PanARMENIAN.Net ին պատմեց Սիրանուշ Վարդանյանը: Ճամբարներն ունեն պերմակուլտուրաներով այգիներ, որտեղ զբոսաշրջիկներն ու կամավորները կարող են մշակել, իսկ հետո նաև վայելել իրենց իսկ մշակած բույսերը, պտուղները: Վրանները պատրաստված են վերամշակված էկոհումքից: Նախաձեռնության հեղինակները Կապանի շրջանում լեռնամագլցման երթուղիներ են նաև քարտեզագրել՝ 100 կմ երկարությամբ: Ճամբարը նպաստում է համայնքում զբաղվածության խնդրի լուծմանը 2017 թվականին ՀԿ-ն օգնել է համայնքի 8 անդամի վաճառել իրենց արտադրանքը և ծառայություններ մատուցել զբոսաշրջիկներին: Այժմ աշխատում են համայնքի ևս 10 անդամի հետ: Շահառուները բնակվում են հիմնականում Կապան քաղաքում և շրջակա գյուղերում:
«Ստացված շահույթով բարեկարգում ենք համայնքի տեսարժան վայրերը, ենթակառուցվածքները, իրականացնում ենք կրթական ծրագրեր համայնքի բնակիչների շրջանում օրգանական գյուղատնտեսության մասին»,- ասում է Վարդանյանը: Սոց. ձեռներեցությամբ զբաղվելը բավարարվածության զգացողություն է առաջացնում Ըստ Սիրանուշի, մարզային ենթակառուցվածների բացակայությունն այստեղ սոց. ձեռներեցությամբ զբաղվելու հիմնական խոչընդոտներից է: Խնդիր է նաև մասնագետների պակասը՝ հատակապես մարքեթինգի բնագավառում: «Միևնույն ժամանակ, Հայաստանում բիզնեսի այս մոդելով զբաղվելը շատ դրական է ընդունվում հասարակության շրջանում: Ուրախ ենք, որ մի կողմից կարողանում ենք ներկայացնել Հայաստանի ամենամեծ հարստությունը՝ բնությունն աշխարհին, իսկ մյուս կողմից նպաստել համայնքի զարգացմանը»,- ասում է Վարդանյանը: Նանե Մանասյան / PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Զախարովա․ ՀՀ–ԵՄ–ԱՄՆ հանդիպումն անհանգստացնում է Ռուսաստանին Ըստ նրա, «Վաշինգտոնն ու Բրյուսելը բացահայտ խոսում են դրա հակառուսական ուղղվածության մասին» ՀՀ-ն մոտ 30 տ մարդասիրական օգնություն կուղարկի Գազա Պահուստային ֆոնդից ներքին գործերի նախարարությանը հատկացվելու է մոտ 19 միլիոն դրամ Զախարովա․ ՀՀ–ն կարող է ծուղակում հայտնվել՝ տրվելով պատրանքին, թե ԵՄ հետ մերձեցումը բարգավաճում է բերում «Կարևորն այն է, որ ԵՄ երգերի գառան մորթու տակ թաքնված չլինեն, ինչպես միշտ, արյունարբու գայլը կամ վագրը»,–ասել է նա Փաշինյան․ ՀՀ-ում կա մի կառավարություն, և այդ կառավարությունը նստած է այս դահլիճում Ըստ նրա, ԼՂ–ից բռնի տեղահանված որոշ շրջանակ կամա թե ակամա անում է քայլեր, որոնք սպառնալիք են ստեղծում ՀՀ անվտանգության համար |