  ՎՐԱՑԱԿԱՆ ԽԱՌՆՎԱԾՔ` ԳՈՒՄԱՐԱԾ ՀԱՅԿԱԿԱՆ ՃԱՐՊԿՈՒԹՅՈՒՆՎրաստանում բավականին հայտնի երկու քաղաքական գործիչների հայկական արմատներն անհանգստացնում են ոչ միայն թբիլիսյան շովինիստներին, այլեւ` Բաքվի պրոպագանդիստներին: Վրաստանում ավարտին է մոտենում տեղական ինքնակառավարման մարմինների ձեւավորման գործընթացը: Մայիսին տեղի ունեցած տեղական ինքնակառավարման ընտրությունները հատկանշվեցին բավականին տարօրինակ մի առանձնահատկությամբ` նախընտրական պայքարում ընտրական արշավի առաջնորդների դեմ օգտագործվող զենքը դարձան հայկական ծագումնաբանության մեղադրանքները: Ինչպես եւ սպասվում էր, ընտրություններում հաջողության հասան երկու արմատական օպոզիցիոն ուժեր` «Ժողովրդական շարժում- Ժողովրդավարական ֆրոնտ», որը ղեկավարում է Արդարադատության նախկին նախարար Միխայիլ Սահակաշվիլին, եւ խորհրդարանի նախկին խոսնակ Զուրաբ Ժվանիի թիմը, որն ընտրություններին մասնակցում էր պահպանողական կուսակցության դրոշի ներքո: Այս երկու անձերին միավորում է ոչ միայն Էդուարդ Շեւերդնաձեի անձի չընդունելը, այլեւ` ծագումը. եթե հավատանք թբիլիսյան ԶԼՄ-ներին, նրանք երկուսն էլ ունեն հայկական արմատներ:  25 հունիսի 2002PanARMENIAN.Net - Վերջին հանգամանքն էլ հենց դարձավ նրանց հակառակորդների կեղտոտ պրոպագանդական քարոզարշավի առանցքը, որն ուղղված էր օպոզիցիոն գործիչներին վարկաբեկելուն: Եթե Սահակաշվիլին իր ընտրական քարոզարշավը վարում էր «Թբիլիսին առանց Շեւերդնաձեի» կարգախոսով, ապա նրան դեմ «սեւ գովազդի» գաղափարաբանները զինվեցին «Իշխանությունն առանց հայերի» կարգախոսով: Անհրաժեշտ է նշել, որ ինքը` Շեւերդնաձեն չէր քաջալերում իր հակառակորդների դեմ օգտագործվող պայքարի անբարեկիրթ մեթոդները: Զուրաբ Ժվանիայի եւ Միխայիլ Սահակաշվիլու հայկական արմատների մասին հայտարարությունները մեկնաբանելով` նա նշել է, որ իրեն բոլորովին չի հետքրքրում համաքաղաքացիների էթնիկական ծագումը: նախագահի խոսքերով, կարեւորն այն է, «որ նրանք վրացական ջանասիրությամբ աշխատեն Վրաստանի բարօրության համար»: Հատկանշական է, որ այսօր Վրաստանում թերեւս ամենամեծ համբավն ունեցող քաղաքական գործիչների հայկական ծագումնաբանության շուրջ առաջացած հիստերիան ակտիվորեն քաջալերվեց Բաքվում: Թբիլիսիում հնչած շովինիստական լոզունգներն անմիջապես վերցնելով` ադրբեջանական քարոզչական միջոցներն ավելի հեռու գնացին` շրջանառության մեջ դնելով «վրացական պետականության դեմ հայկական դավադրության» մասին միֆը: Անհայտ աղբյուրներից կեղծ տեղեկություն է դուրս հորդել Ժվանիայի եւ Ախալքալակի ադմինիստրացիայի ղեկավար Մելիք Ռաիսյանի միջեւ բարեկամական կապերի մասին: Վերջինիս Բաքվի թերթերը մեղադրում էին այն բանում, որ իբր հենց նա է «հայկական դավադրության» գաղաբարաբանների եւ նրանց «թբիլիսյան էմիսսարների» կապող օղակը: Իսկ Ժվանիային ադրբեջանական թերթերը, չգիտես ինչու, անվանում են Զուրաբ Սարգիսի Անտոնյան, չնայած` հայտնի է, որ գոնե հայրական գծով նա զտարյուն վրացի է: Բաքվի հատուկ ծառայությունների նպատակաուղղված տարբերակի համաձայն Սահակաշվիլին նույնպես կապված է Երեւանի հետ: Նման ենթադրությունների հիմքը բավականին տարօրինակ է. նա Վրաստանում ապրող ադրբեջանցիներին արհամարհանքով անվանում է թաթարներ: Կեղտոտ խարդավանքների զոհը դարձած քաղաքական գործիչներն աշխատում են չարձագանքել իրենց դեմ մեղադրանքներին: Ո'չ Ժվանիան, ո'չ էլ Սահակաշվիլին իրենց մեջ քաջություն չգտան հայտարարելու. «Այո', իմ մեջ որոշակի տոկոս հայկական արյուն կա: Ինչ կա՞ որ: Միթե ժողովրդավարական երկրում, ինչպիսին մենք համարում ենք Վրաստանը, դա կարող է մարդուն վարկաբեկելու հանգամանք դառնալ»: Դժբախտաբար, ժամանակակից Վրաստանում նման բառեր արտահայտելու համար քաջություն է պետք, որին դիմելը այնքան էլ հեշտ չէ: Սրան կարելի է ավելացնել, որ հայկական համայնքում Ժվանիան եւ Սահակաշվիլին լայն մասսայականություն չեն վայելում: Ինչպես Թբիլիսիի, այնպես էլ Ջավախքի հայերը նրանց յուրայիններ չեն համարում:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու ՌԴ-ն փորձում է չմարգինալացվել ՀՀ-Ադրբեջան բանակցային գործընթացում    Ուշադրության կենտրոնում Բաժնի այլ նյութերըՊարտության առաջին ամիսը  Հայաստանը նոյեմբերի 10-ից հետո՝ թվերովԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
