  Իրանը միջուկային տերությունների ակումբ մտնելու ճանապարհին էԵթե հավատանք անգլիական The Times թերթին, ապա Վաշինգտոնում դիտարկում են նախկինում անմիտ թվացող մի տարբերակ` դիմել Իրանին` նրա տարածքը բեռնափոխադրման ապահովման համար օգտագործելու խնդրանքով Իրանը Բուշերում հաջողությամբ անցկացրեց ԱԷԿ-ը փորձնական շահագործման հանձնելը ` դրանով իսկ կատարելով առաջին քայլը միջուկային տերությունների ակումբ մտնելու ճանապարհին: Այդ քայլը կատարվեց Ռուսաստանի օգնությամբ, ինչը եւ պետք էր ակնկալել: «Բուշեր» ատոմակայանը կառուցվում է արդեն 30 տարի, ռուս մասնագետներն այդ նախագծին միացան միայն 1995թ., իսկ մինչ այդ արեւմտյան ընկերությունները ղեկավարում էին շինարարությունը եւ սարքավորումների մի մասը արդեն ավելի քան 20 տարի պահվում է հրապարակում:  27 փետրվարի 2009PanARMENIAN.Net - Բոլորին հասկանալի է, որ «Բուշերը» հանդիսանում է Իրանի միջուկային ծրագրի բաժիններց մեկը, որի պատճառով արդեն մի քանի տարի այդ երկիրը ԱՄՆ 43-րդ նախագահ Ջորջ Բուշի թեթեւ ձեռքով դարձել է «վտարանդի երկիր»: Ճիշտ է, աշխարհի համար մեծ վտանգ է ներկայացնում ոչ թե «Բուշերը», այլ Նաթանզի ցենտրիֆուգաները: Որպես իրանական ԱԷԿ վառելիք օգտագործվում է արճիճը, ոչ թե` հարստացված ուրանը, որը պետք կգա շարժիչի լիարժեք աշխատանքի համար եւ ապագայում կարող է դառնալ Իրանի ատոմային արդյունաբերության միջուկը: Հենց դա էլ անհանգստացնում է միջազգային հանրությանը: Ճիշտ է, նույն այդ միջազգային հանրությանը, չգիտես ինչու, չի անհանգստացնում Պակիստանի միջուկային զենքը: Իսկ այն Իրանից վտանգավոր է: Հավանաբար, ամբողջ հարցը նրանում է, որ Իսրայելն ավելի մոտ է Իրանին, քան Պակիստանին: Բայց միգուցե եւ հարցը դրանում չէ, թեեւ գաղափարը շատ գայթակղիչ է` կրկին ամեն ինչում մեղադրել հրեական լոբբիին: Ինչով էլ, ի դեպ, զբաղվում է Թեհրանը: Բայց ժամանակները փոխվում են, եւ այն, ինչը երեկ պարզապես անհնար կլիներ, այսօր ուղղակի անհրաժեշտ է դառնում: Սկզբունքորեն այդպես էլ պետք է լինի. քաղաքականության մեջ ոչ մի անհնար բան չկա, առավել եւս, երբ շոշափվում են տերությունների շահերը: «Մանաս» ավիակայանի փակումից հետո ԱՄՆ փնտրում է բեռներն Աֆղանստան փոխադրելու այլ ճանապարհներ` ցանկալիորեն շրջանցելով Ռուսաստանը: Բեռների երեք քառորդն անցնում է Պակիստանով, բայց այնտեղ այժմ հաճախացել են բեռնատարների վրա հարձակումները, ինչպես նաեւ դիվերսիաները ճանապարհների, հատկապես սահմանակից Հայբերյան միջանցքի շրջանում: Իսլամաբադի կառավարությունը չի կարող ապահովել անվտանգությունը: Նշանակում է` մնում է հարավային ուղղությունը, այսինքն` Իրանը: Եթե հավատանք անգլիական The Times թերթին, ապա Վաշինգտոնում դիտարկում են նախկինում անմիտ թվացող մի տարբերակ` դիմել Իրանին` նրա տարածքը բեռնափոխադրման ապահովման համար օգտագործելու խնդրանքով: Ընդ որում, Իրանի հետ ակնհայտորեն ՌԴ-ից ավելի հեշտ կլինի պայմանավորվել, մինչդեռ վերջինս պայման դրեց. բեռները պետք է միայն ոչ ռազմական բնույթի լինեն: Թե ինչ կպահանջի Իրանը փոխադրման համար` պարզ չէ, վաղաժամ է խոսել նաեւ այն մասին, թե արդյոք Վաշինգտոնը կդիմի Իրանին, թե` ոչ: Ամենայն հավականությամբ, հարցը կլուծվի հունիսին` Իրանի նախագահական ընտրություններից հետո: Քիչ է մնացել սպասելու, իսկ եթե հաշվի առնենք այն, որ ԱՄՆ չափազանց հետաքրքրված է նախկին նախագահ Մոհամմեդ Հաթամիի հաղթանակով, ապա ստացվում է, որ տարածաշրջանում որոշակի փոփոխություններ են սպասվում: Ամեն դեպքում, եթե անգամ Մահմուդ Ահմադինեջադը մնա իշխանության գլխին, ինչը միանգամայն հնարավոր է, նա միեւնույն է ստիպված կլինի վերանայել իր քաղաքականությունը ինչպես ԱՄՆ, այնպես էլ Ռուսաստանի առնչությամբ : Չէ՞ որ ոչ ոք չի կարող վստահ ասել, որ Մոսկվան մտադիր չէ շինել «գազային պատերազմի» հարավային տարբերակը... Իրանի օգտին է սկսել խոսել նաեւ ԵՄ-ն: Nabucco գազատարը կարող է իրագործվել միայն Իրանի եւ Ռուսաստանի մասնակցությամբ: Այդ մասին հայտնել է էներգետիկայի հարցերով Եվրահանձնաժողովի ներկայացուցիչ Ֆերրան Տարրադելյաս-Էսպունին: Այսինքն, Եվրոպայի գազային կախվածությունը Ռուսաստանից որոշակիորեն կչեզոքացվի Իրանով: Բայց եւ այդ դեպքում չի կարելի որեւէ հստակ բան ասել. ամբողջ հարցը նրանում է, թե ինչ կառաջարկեն Իրանին Ռուսաստանն ու ԱՄՆ-ն, եթե հաշվի առնենք այն, որ Իրանը, այնուամենայնիվ, Ղրղզստան չէ եւ նրան ոչ թե $2 միլիարդ է պետք, այլ շատ ավելին եւ ոչ գումարային հաշվարկով: Հիմա դեռեւս Ռուսաստանն ու Իրանը քննարկում են Բուշերի ԱԷԿ շահագործման ՀԾ ստեղծման հարցը: «Ռոսատոմի» ղեկավար Սերգեյ Կիրիենկոյի խոսքով, Իրանն ու Ռուսաստանը ծրագրում են մոտ ապագայում առնվազն 10 տարի միջուկային վառելիք մատակարարելու վերաբերյալ երկարաժամկետ պայմանագիր ստորագրել: Կարինե Տեր-Սահակյան / PanARMENIAN News  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Այլ հոդվածներ Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
