  Ավելացնելով ռազմական ներուժը՝ Բաքուն նոր արկածներ է որոնումԱդրբեջանի սպառազինումը լարում է իրավիճակը ԼՂՀ և Ադրբեջանի Զու շփման գծում Բաքուն մինչ օրս չի հաշտվել Ղարաբաղյան պատերազմում կրած պարտության հետ և նոր արկածախնդրության է նախապատրաստվում: Ըստ Ադրբեջանի 2011թ. բյուջեի, այդ երկրի պաշտպանության նախարարությունը հաջորդ տարի 2,5 մլրդ մանաթ կստանա (3,1 մլրդ դոլար), ինչը 1,5 անգամ գերազանցում է ՊՆ ֆինանսավորումը 2010 թվականին: Ըստ ադրբեջանական ԶԼՄ-ների տեղեկատվության, հատկացվող միջոցները կտրամադրվեն հարձակողական բնույթի զենքի ու ռազմական տեխնիկայի գնման ու արտադրության համար:  13 նոյեմբերի 2010PanARMENIAN.Net - Հոկտեմբերին Ադրբեջանը հետաքրքրվում էր C-125 զենիթահրթիռային համալիրների առաքման, վերանորոգման ու վերականգնման հարցերով: «Ադրբեջանական կողմը հետաքրքրվում է նաև ԱՆ ինքնաթիռներով՝ դրանց գնման ու տեխնիկական ուղեկցության հարցերով»,-ասել է ուկրաինացի նախարար Միխաիլ Եժելը: Նույն ամսին Ադրբեջանի ու Իրանի պաշտպանության նախարարները քննարկեցին ռազմական համագործակցության ընդլայնման ուղիները, մի կողմում չմնաց նաև Թուրքիան: Բաքուն ու Անկարան կսկսեն ռեակտիվ համազարկային համակարգերի համատեղ արտադրություն: Մինչդեռ Ադրբեջանի ու թուրքական ROKETSAN ընկերության միջև պայմանագիր է կնքվել 107 մմ և 122 մմ տրամաչափի հրթիռների համատեղ արտադրության մասին: Ադրբեջանի սպառազինումը լարում է իրավիճակը ԼՂՀ և Ադրբեջանի Զու շփման գծում: Ռազմական ծախսերի աճին զուգահեռ ավելանում է միջադեպերի քանակը սահմանում: Ըստ ԼՂՀ պաշտպանության բանակի տեղեկատվական հաղորդագրության, անցած շաբաթվա ընթացքում ԼՂՀ ու Ադրբեջանի ԶՈւ շփման գծում ոչ միայն ավելացել են դիպուկահար զենքի կիրառման դեպքերը, այլև գրանցվել է ադրբեջանական մարտական ինքնաթիռների ու անօդաչու սարքերի ակտիվություն: Ալիև-կրտսերը, ելույթ ունենալով ադրբեջանցի դիվերսանտի թաղմանը և սուր ճոճելով, հավանաբար, որոշել է ցույց տալ, որ «բավական լուրջ է» տրամադրված: Իլհամ Ալիևը թունավորում է նույնիսկ ամենակրտսեր սերնդի հոգիները, դպրոցի բացման արարողության ժամանակ հնչեցնելով ցանկացած պահի պատերազմ սկսելու պատրաստակամության մասին սպառնալիքները: Այս անգամ Երևանում որոշեցին անպատասխան չթողնել այդ սպառնալիքները: ՀՀ պաշտպանության նախարար Սեյրան Օհանյանը հայտարարեց, որ հայկական զինված ուժերը կշարունակեն խաղաղություն պարտադրել ադրբեջանցիներին, որպեսզի կրտսեր Ալիևի նման ռազմաշունչ ելույթները լոկ ելույթ մնան: Եկատերինա Պողոսյան / PanARMENIAN News  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր էՇոլց․ ՀՀ և Ադրբեջանի միջև կարգավորման շանսերը բարձր են ավելի, քան երբևէ Նա նշել է, որ հակամարտությունը պետք է կարգավորվի խաղաղ ճանապարհովԱռաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-իցՊետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա |
