  Ականատեսի հիշողություններ. Թուրքերը ձեռնաշղթաներ հագցրեցին պապիս և տարան՝ ընտանիքն այլևս երբեք չտեսավ նրանԵս ծնվել եմ Լիբանանում և կցանկանայի պատմել այն, ինչի մասին պարտավոր եմ պատմել Հայոց ցեղասպանության 96-ամյակի կապակցությամբ PanARMENIAN.Net-ը սկսում է Հայոց ցեղասպանության ականատեսների հիշողությունների հրապարակումները, պատմած իրենց կամ նրանց ժառանգների կողմից: Վերապրածների հիշողությունները տրամադրել է ամերիկացի կոնգրեսական Ադամ Շիֆը, որը նախաձեռնել է Հայոց ցեղասպանության ականատեսների հիշողությունների հավաքագրումը՝ որպես ԱՄՆ Կոնգրեսում Հայոց ցեղասպանության մասին թիվ 252 բանաձևի ընդունման համար պայքարի մի մաս: Ադամ Շիֆը կոչ է անում 20-րդ դարի առաջին ցեղասպանության ականատեսներին ներկայացնել իրենց նախնիների հիշողությունները Հայոց ցեղասպանության մասին:  21 ապրիլի 2011PanARMENIAN.Net - Արամ Դեմիրճյանի պատմությունը. «Իմ հայրը, որը ծնվել է 1901թ. Դիարբեքիրում, պատմեց այս իրական իրադարձությունների մասին, երբ ես արդեն մեծ էի: Ինձ համար շատ ծանր էր լսելը, թե ինչ է կատարվել նրա հոր հետ և ինչպես է ինքը խուսափել մահից: Ես ծնվել եմ Լիբանանում և կցանկանայի պատմել այն, ինչի մասին պարտավոր եմ պատմել: Իմ պապը դարբին էր, նա ձեռնաշղթաներ էր պատրաստում կալանավորների համար: Թուրքերը հագցրեցին նրան իր իսկ պատրաստած ձեռնաշղթաներն ու տարան հարցաքննության, ընտանիքն այլևես երբեք չտեսավ նրան: Իմ հայրը շատ տաղանդավոր մարդ է: Նա նվագում էր երաժշտական գործիքների վրա, գեղեցիկ ձայն ուներ: Նա մոլեռանդ չէր: Փախուստի ճանապարհին նա օրեր ու ամիսներ մնում էր տարբեր գյուղերում: Շատ շեյխեր ապաստան էին տալիս նրան: Նրանցից մեկին դուր եկավ հորս ձայնը և նա հրավիրեց հորս երգել մզկիթում: Ոչ ոք չունենալով, նա չէր կարող մերժել շեյխին: Կարծում եմ, իմ հայրը խոսում էր քրդերեն: Երեք ամիս անց, հայրս, որը նաև լավ ձիավար էր, գիշերը լքեց գյուղը, ոչ մի բան չիմանալով իր ընտանիքի մասին: Ես չգիտեմ, թե նա ինչպես հասավ Հալեպ: Ես գրում էի նրա եղբայրների ու մոր մասին, որոնք մազապուրծ լինելով ցեղասպանությունից, հանդիպել են հորս հետ Լիբանանում: Հորս ավագ քրոջը թուրք զինվոր է փախցրել: Ես հիշում եմ նաև մորս ու նրա ընտանիքի մասին, որը բռնագաղթվեց Կոնիայից: Մորս պատմությունն այլ է: Նրա հայրը՝ Սարգիսը բավականին հարուստ վաճառական էր, նա ոսկե դրամներ էր փոխանակում: Սակայն, նա բռնագաղթի չենթարկվեց, իր ընտանիքի՝ երեք դուստրերի, որդու ու կնոջ հետ: Նրան տարան վաղ առավոտյան և նա այլևս չվերադարձավ: Կանայք կարողացել էին պահել ոսկե դրամները՝ տեղի թուրքերը վարձատրության դիմաց օգնեցին նրանց նստել Կոնիայից Տարտուս մեկնող գնացքը»:  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Սյուժե Այլ հոդվածներ Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
