Իսպանիայում ավարտվել է Հայոց ցեղասպանության 97-ամյակին նվիրված միջոցառումների շարքը

Իսպանիայում ավարտվել է Հայոց ցեղասպանության 97-ամյակին նվիրված միջոցառումների շարքը

PanARMENIAN.Net - Հայոց ցեղասպանության 97-րդ ամյակի տարելիցին նվիրված միջոցառումների շարքն Իսպանիայում եզրափակվեց ապրիլի 29-ին Բարսելոնայի Սանտա Մարիա Դել Պի եկեղեցում` Մեծ Եղեռնի տարելիցին նվիրված հոգևոր և մշակութային միջոցառումով, հաղորդում է ՀՀ ԱԳՆ մամլո ծառայությունը; Հանդիսությունը սկսվեց Հայոց ցեղասպանության զոհերի հիշատակին տրված հոգեհանգստի պաշտոնով, որը կատարեց Իսպանիայում Հայրապետական պատվիրակի փոխանորդ տեր Սասուն վարդապետ Զմրուխտյանը: Այնուհետ, Կատալունիայի կաթոլիկ, լութերանական, բողոքական և այլ եկեղեցիները ներկայացնող հոգևոր հայրերը կատարեցին Էկումենիկ աղոթք-արարողություն, որից հետո ամբիոնից հանդես եկան Կատալունիայի հայ եկեղեցու Ծխական խորհրդի ատենապետ` Գրիքոր Մաղաքյանը, Կատալունիայի Կարդինալի ներկայացուցիչ Խաիմե Գոնսալես Ագապիտոն, Իսպանիայում ՀՀ գործերի հավատարմատար Խորեն Տերտերյանը:

Միջոցառման մշակութային մասում` եկեղեցու սրահում հավաքված շուրջ 500 հրավիրյալների առջև դասական երաժշտության մենահամերգով հանդես եկավ Հայաստանի օպերայի և բալետի Ազգային ակադեմիական թատրոնի մենակատար երգչուհի Անահիտ Մխիթարյանը, որին նվագակցեց իսպանացի ճանաչված երգեհոնահար Խուան Դե Լա Ռուբիան: Կատարվեցին եվրոպական և հայկական դասականների ստեղծագործություններ:

 Ուշագրավ
Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից
«Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա
Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին
---