Ցուցարարները պահանջում են դադարեցնել ԱՕԿՍ–ի շենքի քանդումը 8 մայիսի 2012 - 14:34 AMT PanARMENIAN.Net - ԱՕԿՍ–ի` Արտասահմանյան երկրների հետ մշակութային կապերի և համագործակցության հայկական ընկերության շենքի մոտ հավաքվել են մոտ 80-100 քաղաքացիներ, և պահանջում են դադարեցնել շենքի քանդումն ու ներկայացնել քանդման իրավական հիմքերը: Ցուցարարների հիմնական մտավախությունն այն է, որ շենքը կքանդեն, չեն վերակառուցի, և ոչ ոք պատասխան չի տա: Նրանք իրենց պահանջներն ու բողոքը ներկայացրեցին ՀՀ մշակույթի նախարարության աշխատակազմի պատմության և մշակույթի հուշարձանների պահպանության գործակալության Երևանի տարածքային բաժնի պետ Կարո Այվազյանին: «Ո՞վ է Ձեզ տվել թույլտվությունը, ո՞վ է հաստատել: Շենքի ապամոնտաժման համար անհրաժեշտ է Կառավարության որոշում»,- հարցրեց «Փրկենք հուշարձանները» նախաձեռնության անդամ Նարեկ Աշուղաթոյանը՝ պնդելով, որ մշակույթի նախարարությունը նման նախաձեռնությամբ հանդես գալու իրավասություն չունի: Հարցին՝ ի վերջո շենքը ապամոնտաժվում է, թե քանդվում, Այվազյանը պատասխանեց. «Ապամոնտաժվում է, որպեսզի հետո վերականգնվի»: Այս պահին ցուցարարները շարժվում են դեպի մշակույթի նախարարություն՝ անձամբ նախարարից մեկնաբանություն ստանալու պահանջով: Շենքի քանդման աշխատանքները սկսվել են երեկվանից և ներկայումս քանդվում է այն հատվածը, որն անցյալ տարվա դեկտեմբերին օտարվել էր «Լոկալ Դիվելոփրս» ընկերության կողմից: Սամվել Մայրապետյանին պատկանող ընկերությունը նախատեսում է այդտեղ հյուրանոց կառուցել: Կարո Այվազյանն ասել է, որ կառուցապատողին առաջարկվել է հատկացված տարածքում իրականացնել Լալայանց փողոցի կորցրած հատվածի վերականգնումը և Աբովյան փողոցի ու Հյուսիսային պողոտայի միջև ստեղծել հետիոտն կապ` փողոցի կառուցվածքի վերին շերտի ծածկույթը իրականացնելով ավանդական ձևով: Արտասահմանյան երկրների հետ մշակութային կապերի և համագործակցության հայկական ընկերության շենքն ընդգրկված է Երևան քաղաքի պատմության և մշակութային անշարժ հուշարձանների պետական ցուցակում և ունի հանրապետական նշանակություն։ ԱՕԿՍ-ի շենքը կառուցվել է դեռևս խորհրդային ժամանակաշրջանից առաջ: 1910 թ. Աֆրիկյանը և մի շարք այլ բարերարներ այն կառուցել էին ջրծաղիկի համաճարակից տառապող հիվանդներին այստեղ բուժելու նպատակով: 1950-ական թվերի սկզբին նախկին հիվանդանոցի շենքի ետնամասում ավելացվել է մի նոր հատված, որն էլ հիմա քանդում են։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |