 ՍԹԱՐ առևտրային ցանցը և «ԱրմենՏել»-ը հայտարարել են երկարատև համագործակցության մասին  11 մայիսի 2012 - 13:35 AMTPanARMENIAN.Net - «Սթար Դիվայդ» ՓԲԸ (ՍԹԱՐ առևտրային ցանցը) և «ԱրմենՏել» ընկերությունը հայտարարում են երկարատև համագործակցության մասին: Համագործակցության շրջանակում ՍԹԱՐ ցանցի սուպերմարկետներում կբացվեն Beeline վաճառքի և սպասարկման գրասենյակներ, որտեղ մեր հաճախորդները կարող են ստանալ «ԱրմենՏել» ընկերության կողմից մատուցվող ծառայությունների ողջ շրջանակը: ՍԹԱՐ սուպերմարկետում` Ավետիսյան 48/1 հասցեում, արդեն գործում է Beeline առաջին գրասենյակը: Մոտ ապագայում կբացվեն նոր գրասենյակներ ՍԹԱՐ ցանցի մյուս սուպերմարկետներում նույնպես: Համագործակցության շրջանակում ստեղծվել է ՍԹԱՐ ցանցի նոր կոմերցիոն տեղեկատվական կենտրոն (call-center): Զանգահարելով «8090ե համարին ՍԹԱՐ-ի հաճախորդները կարող են ստանալ տեղեկատվություն ՍԹԱՐ սուպերմարկետների աշխատանքային ժամերի և հասցեների, անցկացվող ակցիաների, հատուկ առաջարկների, այս կամ այն ապրանքի առկայության, տարադրամի փոխարժեքի մասին և այլն: Այս ամենից բացի հաճախորդները կարող են հայտնել իրենց ցանկություները կամ առաջարկությունները, իմանալ թե որքան է կազմում հաշվեկշիռն իրենց ՍթարՔարտ կուտակային քարտի վրա: «Ծառայությունների սիներգիան հանդիսանում է համաշխարհային պրակտիկայի ժամանակակից միտումներից ինչպես հարմարավետության, այնպես էլ ռեսուրսների արդյունավետ կառավարման տեսանկյունից: Մեր տեխնոլոգիաները և երկրում ամենամեծ սուպերմարկետների ցանցերից մեկի` ՍԹԱՐ-ի աշխատանքային փորձը թույլ են տալիս հաճախորդների սպասարկումը հասցնել նոր մակարդակի: ՍԹԱՐ առևտրային ցանցն այժմ մեր ռազմավարական ընկերն է, և մենք դա համարում ենք մեծ ձեռքբերումե,- նշեց «ԱրմենՏելե ՓԲԸ Գլխավոր Տնօրեն Իգոր Կլիմկոն: «Մայրաքաղաքում և Հայաստանի մարզերում ՍԹԱՐ առևտրային ցանցի ընդլայնմանը զուգընթաց, օրեցօր ավելանում է ցանցի հաճախորդների թիվը: Հաճախորդների արագ և արդյունավետ սպասարկումը մեր առաջնային խնդիրներից է: Call center ծառայության կազմակերպման հարցում «ԱրմենՏելե ընկերության ընտրությունը պայմանավորված էր վերջինիս` խոշոր ընկերությունների հետ աշխատելու մեծ փորձով, ինչպես նաև նրանց կողմից կիրառվող ժամանակակից տեխնոլոգիաների վստահությամբե,- նշեց ՍԹԱՐ առևտրային ցանցի գործադիր տնօրեն Վ. Քերոբյանը: Beeline Ֆիքսված ցանցից 8090 կարճ համարին զանգն անվճար է: Beeline բջջային ցանցի համարներից զանգը տարիֆիկացվում է բաժանորդի սակագնային փաթեթինհամապատասխան (զանգ ֆիքսված հեռախոսահամարին): Այլ համարներից զանգի մեկ րոպեի արժեքն անհրաժեշտ է պարզել համապատասխան օպերատորից: ՍԹԱՐ Call center-ը թույլ է տալիս միավորել տեղեկատվական ամբողջ ծավալը` ժամանակակից հեռահաղորդակցական սարքավորում օգտագործելով: Կենտրոնում ներդրված է AVAYA տեխնոլոգիան, որը թույլ է տալիս հարցումները դասակարգել ըստ թեմաների` հաճախորդների հետ աշխատանքը դարձնելով ավելի արդյունավետ: Բացի այդ, այս տեխնոլոգիան թույլ է տալիս օգտվել ոչ միայն օպերատորների ծառայություններից, այլև հաճախորդի ցանկությամբ` սպասարկման ավտոմատացված համակարգից:   4 11.05.12 - "ԱրմենՏել" ՓԲԸ գլխավոր տնօրեն Իգոր Կլիմկոն և ՍԹԱՐ առևտրային ցանցի գործադիր տնօրեն Վահան Քերոբյանը ստորագրեցին համագործակցության հուշագիր      Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
