Ռաֆայել Նազարյան. Անդորրայի դեմ մեզ դժվար խաղ է սպասվում, բայց մեր միակ նպատակը հաղթելն է![]() 11 հունիսի 2012 - 11:32 AMT PanARMENIAN.Net - Հայաստանի երիտասարդական հավաքականի գլխավոր մարզիչ Ռաֆայել Նազարյանը նշեց, որ թիմի նախապատրաստական աշխատանքը նորմալ է ընթանում, և այս պահի դրությամբ որևէ խնդիր չկա: “Վաղն առավոտյան վերջնական կորոշենք այն կազմը, որը կխաղա Անդորրայի դեմ: Բարձր կենրոտացվածությունը, արագությունը կօգնեն մեզ այս խաղում հաջողության հասնել: Մեր միակ նպատակը հաղթելն է, բայց միևնույն ժամանակ կարևոր է նաև գեղեցիկ խաղ ցույց տալը”,- ասաց Նազարյանը: Անդորրայի դեմ առաջին խաղում հյուրընկալվելիս Հայաստանի հավաքականը նվազագույն` 1:0 հաշվով առավելության է հասել անդորրացիների նկատմամբ: Գլխավոր մարզիչը նշեց, որ այդ խաղն ամենադժգույնն էր, ու հաղթանակն իրենց դժվար է տրվել. “Ես տղաներին ասել եմ, որ վաղը դժվար խաղ է սպասվում, քանի որ բարդ է ամբողջովին պաշտպանվող թիմի դեմ խաղալը: Բայց կրկնեմ, որ վաղվա նպատակը միայն հաղթելն է”: Հայաստանի մինչև 21 տարեկանների ընտրանին 2013թ. Եվրոպայի 2013թ. առաջնության խմբային փուլում հունիսի 12-ին կհյուրընկալի Անդորրայի հավաքականին: Հանդիպումը տեղի կունենա հունիսի 12-ին ժամը 19:00-ին Վազգեն Սարգսյանի անվան հանրապետական մարզադաշտում: Հայաստանի հավաքականը 2013թ. Եվրոպայի երիտասարդական առաջնության ընտրական 3-րդ խմբում վաստակել է 8 միավոր և զբաղեցնում է 4-րդ տեղը: ![]() ![]() Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից ![]() ![]() ![]() | ![]() ![]() ![]() ![]() ![]() ![]() ![]() ![]() ![]() |