 Քաղաքապետ Տարոն Մարգարյանը հանդիպել է Տոնինո Գուերայի այրու հետ 13 հուլիսի 2012 - 20:02 AMT PanARMENIAN.Net - Երևանի քաղաքապետ Տարոն Մարգարյանը ընդունել է «Ոսկե ծիրան» միջազգային կինոփառատոնի շրջանակում Երևան այցելած Էլեոնորա Գուերային և նրան ուղեկցող գործընկերներին: Ողջունելով հյուրերին քաղաքապետը նախ իր հարգանքն է հավաստել հանրահայտ սցենարիստ, բանաստեղծ, նկարիչ եւ քանդակագործ Տոնինո Գուերայի հիշատակին և վստահեցրել է նրա տիկնոջը, որ Գուերայի, որպես նաև հայ ազգի բարեկամի, մասին հիշողությունները երկար կմնա հայ ժողովրդի հուշերում: Այնուհետ Տարոն Մարգարյանը համառոտ ներկայացրել է մայրաքաղաքի պատմությունը և նշել, որ Երևանն այսօր բավականին դինամիկ զարգացող քաղաք է ու քաղաքային իշխանություններն էլ իրենց լիազորությունների շրջանակում անում են հնարավորը քաղաքն առավել ժամանակակից, հարմարավետ ու ներկայանալի դարձնելու ուղղությամբ, հաղորդում է քաղաքապետարանի մամլո ծառայությունը: «Երևանն այսօր զարգացման իրապես մեծ ներուժ ունի, ինչը հաշվի առնելով մենք որդեգրել ենք գործընկերների հետ փոխգործակցության ընդլայնման բաց ու պատրաստակամ աշխատաոճ: Ներդրումային ցանկացած առաջարկ, որը կարող է նպաստել մայրաքաղաքի համաչափ զարգացմանը, ողջունվում և մեր լիազորությունների շրջանակում ստանում է համապատասխան աջակցություն»,-նշել է քաղաքապետը: Շնորհակալություն հայտնելով ջերմ ընդունելության և Տոնինո Գուերայի հիշատակը հարգելու համար, Էլեոնորա Գուերան իր հերթին նշել է, որ իսկապես տպավորված է Երևանի թե ճարտարապետական տեսքով և թե երևանցիների ջերմ հյուրընկալությամբ ու քաղաքային կոլորիտով: Հիացմունք արտահայտելով մայրաքաղաքի ինքնատիպ շատրվանների մասին, տիկին Գուերան նշել է, որ իր ամուսինը հայտնի է եղել նաև իր հեղինակած շատրվանների նախագծերով և հույս է հայտնել, որ դրանցից մեկն էլ կարող է կառուցվել Երևանում: Տոնինո Գուերայի շատրվանային նախագծերի իրագործող ինժեներ-ճարտարապետ Ռիտա Ռոնկոնին, ով ևս ներկա էր հանդիպմանը, քաղաքապետ Տարոն Մարգարյանին է ներկայացրել Գուերայի նախագծերով արդեն կառուցված շատրվանների լուսանկարներով ալբոմը: Ծանոթանալով իրագործված նախագծերին Տարոն Մարգարյանը առաջարկել է Երևանի գլխավոր ճարտարապետի հետ քննարկել Գուերայի հեղինակած շատրվանային նախագծերն ու ավելի հստակ առաջարկ ներկայացնել քննարկման:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
