  ԱՐԹՈՒՐ ԲԱՂԴԱՍԱՐՅԱՆ. ԱՆՀՐԱԺԵՇՏ Է ՄՏԱԾԵԼ ՏԱՐԱԾՇՐՋԱՆԱՅԻՆ ԶԱՐԳԱՑՄԱՆ ԱՊԱՀՈՎՄԱՆ ՄԱՍԻՆ 5 նոյեմբերի 2004 - 18:13 AMT PanARMENIAN.Net - Ֆրանսիայի Սենատի նախագահ Քրիստիան Փոնսելեի հրավերով երեկ Վերսալում կայացել է Հայաստանի, Վրաստանի եւ Ադրբեջանի խորհրդարանների խոսնակներ Արթուր Բաղդասարյանի, Նինո Բուրջանաձեի եր Մուրթուզ Ալեսքերովի երրորդ հանդիպումը: Ինչպես հաղորդել են Հայաստանի Ազգային ժողովի մամլո ծառայությունում, հանդիպման ընթացքում Քրիստիան Փոնսելեն նշել է նման հանդիպումների անցկացման կարեւորությունը խորհրդարանական դիվանագիտության զարգացման տեսակետից: Նա հույս է հայտնել, որ քննարկումների միջոցով կգտնվի Հարավային Կովկասի մի շարք խնդիրների լուծումը: Նշենք, որ զբոսաշրջության զարգացման հարցի վերաբերյալ կարծիքների փոխանակումից բացի, քննարկում է տեղի ունեցել նաեւ «Մշակութային ժառանգության գնահատում» թեմայով: Զրույցի ընթացքում Արթուր Բաղդասարյանը կոչ է արել ադրբեջանական պատվիրակության անդամներին քայլ անել դեպի ապագան` նշելով, որ անհրաժեշտ է մտածել տարածաշրջանային զարգացման ապահովման մասին: Ինչպես հայտարարել է Հայաստանի խորհրդարանի ղեկավարը, «Հարավային Կովկասի երկրներում պետք է ստեղծվի անհրաժեշտ մթնոլորտ հակամարտությունների կարգավորման համար»: Նշենք, որ նախօրեին երեք հանրապետությունների խորհրդարանների նախագահները Ֆրանսիայում հանդիպումներ են ունեցել ՅՈՒՆԵՍԿՈ-ի գլխավոր տնօրեն Կոիտիրո Մացուուրոյի, ֆրանսիացի քաղաքական փորձագետների հետ: Հիշեցնենք, որ ավելի վաղ ձեռք բերված պայմանավորվածության համաձայն «քառյակի» հաջորդ հանդիպումը կկայանա Ադրբեջանում, իսկ այնուհետեւ` Հայաստանում:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
