  ԱԺ և ՌԴ Պետդումայի խոսնակները քննարկել են երկու երկրների խորհրդարաններում ներկայացուցիչներ ունենալու հարցը 24 հուլիսի 2012 - 17:56 AMT PanARMENIAN.Net - ՀՀ ԱԺ և ՌԴ Պետդումայի խոսնակներ Հովիկ Աբրահամյանն ու Սերգեյ Նարիշկինը Երևանում քննարկել են երկու երկրների խորհրդարաններում ներկայացուցիչների ինստիտուտի ստեղծման հարցը: «Հաշվի առնելով երկու երկրների խորհրդարանների սերտ համագործակցությունը և փոխգործակցության խորացման անհրաժեշտությունը, հայկական կողմն առաջարկել է քննարկել ՌԴ Պետդումայի Հայաստանի ԱԺ ներկայացուցչի և ՀՀ ԱԺ-ում ՌԴ Պետդումայի ներկայացուցչի ինստիտուտ սահմանելու հարցը»,-հայտարարել է Աբրահամյանը Սերգեյ Նարիշկինի հետ համատեղ ճեպազրույցում: ԱԺ խոսնակը նաև հայտնեց, որ սեպտեմբերին Հայաստանում տեղի կունենա ՀԱՊԿ ԽՎ Անվտանգության և պաշտպանության գծով հանձնաժողովների նախագահների առաջին խորհրդակցությունը: Ըստ Աբրահամյանի, հանդիպմանը նաև կարևորվել է երկու երկրների խորհրդարանական պատվիրակությունների համագործակցությունը տարբեր միջազգային խորհրդարանական կազմակերպություններում: ՌԴ Պետդումայի խոսնակ Սերգեյ Նարիշկինը Երևանում, որտեղ նա գտնվում է պաշտոնական այցով, ՀՀ նախագահ Սերժ Սարգսյանի, վարչապետ Տիգրան Սարգսյանի, ինչպես նաև խորհրդարանականների հետ հանդիպումներում քննարկել է Հայաստանի հետ համագործացությունը Եվրասիական միության շրջանակներում: «Մենք շատ ենք այդ մասին խոսել: ՀՀ ղեկավարությունը խստորեն հետևում է, թե ինչպես է զարգանում այդ միությունը և ձգտում է որոշել իր տեղը Եվրասիական միությունում՝ հասկանալով, որ դա հեռանկարային է առևտրատնտեսական հարաբերությունների զարգացման համար»,-հայտարարել է նա ԱԺ խոսնակ Հովիկ Աբրահամյանի հետ համատեղ մամլո ասուլիսում:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
