  Բարբարա Բոքսերը պահանջում է Ալիևից Ռամիլ Սաֆարովին վերադարձնել բանտ 28 սեպտեմբերի 2012 - 10:38 AMT PanARMENIAN.Net - Քալիֆորնիայի սենատոր Բարբարա Բոքսերը իր վրդովմունքն է արտահայտել Ադրբեջանի կողմից մարդասպան Ռամիլ Սաֆարովի ներման կապակցությամբ և կոչ արել նրան բանտ վերադարձնել, հաղորդում է Ամերիկայի հայկական ազգային կոմիտեն (ANCA): Ադրբեջանի նախագահ Իլհամ Ալիևին հասցեագրված խիստ նամակում սենատոր Բոքսերը ընդգծել է, որ Սաֆարովի ազատումը «անհանգստացնող և պրովոկացիոն գործողություն է, որը միայն նպաստել է լարվածության ավելացմանը և սպառնում է Կովկասում կայուն անկախության հաստատման ջանքերին»: « Սաֆարովին ներում շնորհելը օրենքի գերակայության նկատմամբ ակնհայտ անարգանք է: Ես պահանջում եմ, որպեսզի պարոն Ալիևը պահպանի միջազգային իրավունքի ստանդարտները և Սաֆարովին բանտ վերադարձնի: Այնտեղ է նրա տեղը` գործած ծանր հանցագործության համար»,-ընդգծել է սենատորը: ANCA-ն հիշեցնում է նաև, որ նախորդ շաբաթ եվրոպական քաղաքականության և վերլուծության կենտրոնում կայացած «ԱՄՆ-ն և ռազմավարությունը Կենտրոնական Եվրոպայում» համաժողովի ժամանակ պետքարտուղարի օգնական Ֆիլ Գորդոնը հայտարարել է, որ Պետդեպարտամենտը շարունակում է «տագնապ և հիասթափություն է արտահայտել: Մենք բավարարված չենք նրանով, ինչ տեղի է ունեցել: Մեր կարծիքով Սաֆարովը պետք է նախկինի պես կրի իր պատիժը: Իհարկե, ցնցված էին նրա փառաբանմաբ, իսկ մեր հարցերին տված պատասխանները սպառիչ չէին»:    Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
