Հայաստանի նախկին նախագահ Ռոբերտ Քոչարյանը ցանկանում է Հայաստանի գործող նախագահ Սերժ Սարգսյանից «ստանալ» վարչապետի պաշտոնը, որպեսզի ամրապնդի իր դիրքերը 2018-ի նախագահական ընտրությունների համար: «Քոչարյանը ցանկանում է երաշխիքներ ունենալ, որ 2018-ին իշխանությունը կանցնի իրեն»,- հայտարարել է «Ժառանգություն» ընդդիմադիր կուսակցության գլխավոր քարտուղար Ստեփան Սաֆարյանը Երևանում մամլո ասուլիսում:

Դրա հետ կապված նա նշել է, որ Հայաստանի սահմանադրության համաձայն, ուժեղ և անկախ վարչապետն իսկապես կունենա բավական լայն լիազորություններ:

Սաֆարյանը նաև հավելել է, որ դեռ 2008-ին Քոչարյանը մտադիր է եղել Հայաստանում իրականացնել «ռուսական սցենար»` դառնալ վարչապետ, իսկ հետո կրկին գլխավորել երկիրը: «Բայց 2008-ի մարտի 1-ը և անձնական որակները զարգացումներն այլ ճանապարհով տարան»,- նշել է նա:

Դրա հետ կապված Սաֆարյանը նշել է, որ ընտրություններից հետո Քոչարյանը Սերժ Սարգսյանի առաջ պայման է դրել իրեն վարչապետ նշանակել, սակայն «Սարգսյանը միշտ «ոչի» փոխարեն ասել է «ոչ հիմա»:

Հոկտեմբերի 2-ին ԱԺ-ն բավարարեց գլխավոր դատախազ Աղվան Հովսեփյանի միջնորդությունը ԲՀԿ խորհրդարանական խմբակցության անդամ, ԱԳ նախկին նախարար Վորդան Օսկանյանին «Սիվիլիթաս» հիմնադրամի միջոցների յուրացման քրեական գործի շրջանակներում պատգամավորական անձեռնմխելիությունից զրկելու մասին: