 Մինչև նոյեմբերի 30-ը ՊԵԿ դիմած տնտեսվարողները կստանան անվճար էլեկտրոնային ստորագրություն 25 հոկտեմբերի 2012 - 16:03 AMT PanARMENIAN.Net - Հայաստանում 2013-ի հունվարի 1-ից միասնական եկամտահարկի ներմուծման հետ կապված տնտեսվարող սուբյեկտները պետք Հայաստանի Պետական եկամուտների կոմիտե ներկայացնեն իրենց հաշվետվությունները բացառապես էլեկտրոնային տեսքով: Այդ մասին հոկտեմբերի 25-ին Հայաստանի կառավարության մամլո կենտրոնում հայտարարել է Հայաստանի Պետական եկամուտների կոմիտեի նախագահի տեղակալ Արմեն Ալավերդյանը: Նրա խոսքով, գործատուների լիազոր անձինք պետք է համապատասխան կարողություններ ունենան այդ հաշվետվությունները ներկայացնելու համար, քանի որ արդեն նոր տարուց հարկային մարմնում կգործի միասնական էլեկտրոնային համակարգ: Այսօր ընդունված կառավարական որոշման համաձայն, գործատուների կողմից լիազորված անձինք պարտավոր են անձնագրային բաժնում ստանալ ինքնության քարտեր, դիմումը ներկայացնել ՊԵԿ PIN գաղտնագիրը ստանալու համար և գրանցվել, որից հետո ՊԵԿ-ը նրանց տվյալները կփոխանցի համապատասխան կառույց: Գործընթացի խթանման համար, որոշում է ընդունվել այն անձանց համար, ովքեր մինչև նոյեմբերի 30-ը կդիմեն պետական մարմին PIN գաղտնագիր ստանալու համար, տրամադրել անվճար էլեկտրոնային ստորագրություն, բացի դրանից Հայաստանի կառավարությունը պետբյուջեից կփոխհատուցի նրանց պետտուրքը 3000 դրամի չափով: Ինչպես հաղորդել է Արմեն Ալավերդյանը, այսօրվա դրությամբ Հայաստանում շուրջ 10 000 տնտեսվարող սուբյեկտներ արդեն կոմիտե են ներկայացնում իրենց հաշվետվություններն էլեկտրոնային տեսքով: «Մենք արդեն հիմա պատրաստվում ենք նրան, որ դեռ շուրջ 40 000 տնտեսվարող սուբյեկտներ կներկայացնեն իրենց հաշվետվություններն էլեկտրոնային տեսքով»,- հավելել է նա: Նա նաև հավելել է, որ այսօրվա դրությամբ Հայաստանի տարածքում գրանցված են ավելի քան 150 000 տնտեսվարող սուբյեկտներ, որոնցից 25 000-ը գտնվում են լուծարման գործընթացում, 70 000-80 000 տնտեսվարող սուբյեկտները, որոնք թեկուզ տարին մեկ անգամ ներկայացնում են հաշվետվություն, նրանցից շուրջ 50 000-ն ակտիվ հարկատուներ են:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
