  Ուրուգվայը չի պատրաստվում ներողություն խնդրել Ադրբեջանից` իր Ներկայացուցիչների պալատի խոսնակի` Արցախ կատարած այցի համար 18 նոյեմբերի 2012 - 17:38 AMT PanARMENIAN.Net - Ուրուգվայի ԱԳՆ պատասխանել է Ադրբեջանի ԱԳՆ «բողոքի նոտային»` կապված Ուրուգվայի Ներկայացուցիչների պալատի նախագահ Խորխե Օրիկոյի ղեկավարած պատվիրակության` ԼՂՀ կատարած այցի հետ: Ուրուգվայի միջազգային գործունեությունը հիմնվում է պետությունների տարածքային ամբողջականությունը հարգելու սկզբունքների, ազգերի ինքնորոշման իրավունքների, ներքին գործերին չմիջամտելու, ինչպես նաև հակամարտությունների խաղաղ կարգավորման վրա: Ուրուգվայի քաղաքական գործունեությունը ևս հիմնվում է ՄԱԿ-ի հիմնարար սկզբունքների վրա, ասվում է ԱԳՆ հաղորդագրությունում: Նոտայում նաև նշվում է, որ միջազգային խաղաղության և անվտանգության պահպանումը ՄԱԿ-ի հիմնական սկզբունքն է, ինչի վրա և հիմնվում է ուրուգվայական պետությունը: Խորխե Օրիկոն արտասհմանյան պետության առաջին ներկայացուցիչն է, ով այցելել է Լեռնային Ղարաբաղի Հանրապետություն: Ստեփանակերտ կատարած այցի ժամանակ կայացել է նաև Օրիկոյի հանդիպումը ԼՂՀ նախագահ Բակո Սահակյանի հետ: Հանդիպման ժամանակ քննարկվել է հարցերի լայն շրջանակ, որոնք վերաբերում են երկկողմ հարաբերությունների զարգացմանը: Սահակյանն ընդգծել է, որ Ուրուգվայն ու Արցախը բարեկամ պետություններ են, որոնք բազմաթիվ ընդհանրություններ ունեն: Նախագահը Սահակյանը բարձր է գնահատել Ուրուգվայի ներդրումը` Հայոց ցեղասպանության միջազգային ճանաչման ոլորտում, այդ պետության հավասարակշռված քաղաքականությունը` Արցախի Հանրապետության ճանաչման և հայ-ադրբեջանական հակամարտության կարգավորման գործում: Հանդիպումից հետո Ուրուգվայի խորհրդարանի արտաքին հարաբերությունների հարցերով հանձնաժողովի անդամ Ռուբեն Մարտինես Ուելմոն լրագրողների հետ զրույցում չի բացառել, որ Ուրուգվայը կարող է դառնալ առաջին երկիրը, որը կճանաչի Արցախի անկախությունը: Խոսելով Օրիկոյի` Արցախ կատարած այցի մասին, Ուելմոն նշել է, որ դրա համար հատուկ քաջություն պետք չէ: «Սա ընդամենը մի քայլ է»,-հայտարարել է նա: Օրիկոն հայտարարել է, որ Ուրուգվայում հասկանում են, որ կան երկրներ, որոնք օրինական կերպով ցանկանում են ինքնորոշվել: Նա նշել է, որ թեև իր երկիրը փոքր է, սակայն պատրաստ է աջակցել Ղարաբաղին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
