ԵՄ-Ն ՔՆՆԱԴԱՏՈՒՄ Է ԹՈՒՐՔԻԱՅԻՆ

PanARMENIAN.Net - Եվրամիությունը խիստ քննադատության է ենթարկել Թուրքիայի կառավարությանը «Օսմանյան կայսրության հայերը կայսրության փլուզման ժամանակ.Գիտական պատասխանատվության եւ ժողովրդավարության հարցը» թեմայով Հայոց ցեղասպանությանը նվիրված աննախադեպ պատմական գիտաժողովին խոչընդոտելու համար, հաղորդում է AFP գործակալությունը: «Գիտաժողովի անցկացումը պետք է կարեւոր քայլ դառնա Թուրքիայում բարեփոխումների անցկացման գործընթացում»,-հայտարարել է ԵՄ ներկայացուցիչը եւ ավելացրել, որ «թուրքական կառավարությունը պետք է ուղղի իր որոշումը»: Նրա խոսքերով, հարկավոր է ակնկալել թուրքական իշխանությունների անգործությունը, սակայն դա չի նպաստի Թուրքիայի շահերին ԵՄ-ին անդամակցելու գործում: Հիշեցնենք, որ Թուրքիայի կառավարության ճնշման ներքո Հայոց ցեղասպանությանը նվիրված աննախադեպ գիտաժողովի կազմակերպիչները ստիպված էին չեղյալ հայտարարել միջոցառումը, որը պետք է կայանար մայիսի 25-27 Ստամբուլում: Թուրքիայի արդարադատության նախարար Չեմիլ Չիչեկը մեղադրել է գիտաժողովի կազմակերպիչներին պետական դավաճանության մեջ: