  Հայկազուն Ալվրցյան. Վահագն Չախալյանի հարցը Իվանիշվիլիի այցի ժամանակ չի քննարկվի 15 հունվարի 2013 - 15:48 AMT PanARMENIAN.Net - Հայաստանը ունի բոլոր իրավունքները հետաքրքրվելու Ջավախքում իր հայրենակիցների ճակատագրով, բայց դա չի նշանակում,որ մենք միջամտում ենք Վրաստանի ներքին գործերին: Կարծիքը վրացագետ Հայկազուն Ալվրցյանինն է, որն այսօր ասուլիսի ժամանակ նաև նշեց.«Կան միջազգային կոնվենցիաներ, որոնք ստորագրել է Վրաստանը, բայց շարունակում է ոտնահարել ազգային փոքրամասնությունների իրավունքները: Հայաստանի իշխանությունները ոչինչ չեն անում, Վրաստանն էլ շարունակում է Ջավախքի ազգագրական պատկերը փոխելուն միտված քայլերը»: Այդ քայլերից վրացագետը նշեց նաև ջավախահայ քաղբանտարկյալ Վահագն Չախալյանի` համաներման արդյունքում էլ ազատ չարձակվելու հավանականությունը և դրան տանող իշխանությունների ջանքերը: «Արմեն Գևորգյանի և Ռուբեն Շեկոյանի դեպքում խնդիր չառաջացավ, որովհետև նրանք Աջարիայի հայ համայնքից էին, իսկ Վրաստանը, կարելի է ասել, Աջարիան արդեն կորցրել է: Թուրքական կապիտալն ու թուրք հոգևորականներն այնտեղ իրենց գործն արդեն արել են, իսկ Վահագն Չախալյանի ազատ արձակումը կնշանակեր, որ նոր իշխանությունները չեն խոչընդոտում փոքրամասնությունների զարգացմանը», - ասաց Հայկազուն Ալվրցյանը: Նրա կարծիքով՝ Վահագն Չախալյանի հարցը չի քննարկվի Իվանիշվիլիի առաջիկա այցի ժամանակ: «Այնտեղ մնացած մի ամբողջ ժողովրդի հարցը չի քննարկվի, ուր մնաց սա», -ասաց վրացագետը, նշելով, որ Վրաստանի կողմից Հայաստանի շահերի անտեսումը հեռանկարում կբերեն նրան, որ Վրաստանը կհասկանա իր ընտրած քաղաքականության սխալ լինելը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
