  ՍԱՀՄԱՆԱԴՐԱԿԱՆ ՀԱՆՐԱՔՎԵՆ ՀԱՅԱՍՏԱՆՈՒՄ ԿԱՐՈՂ Է ԱՆՑԿԱՑՎԵԼ ՆՈՅԵՄԲԵՐԻ 20-ԻՆ14 սեպտեմբերի 2005 - 07:49 AMT PanARMENIAN.Net - Հայաստանում սահմանադրական հանրաքվեի անցկացման նախնական ժամկետը նոյեմբերի 20-ն է: Այդ մասին հայտարարել է Հայ հեղափոխական դաշնակցության (ՀՅԴ) խմբակցության ղեկավար Լեւոն Մկրտչյանը: Նրա խոսքերով, նման պայմանավորվածություն է ձեռք բերվել իշխանական կոալիցիայի կուսակցությունների ներկայացուցիչների եւ Հայաստանի նախագահ Ռոբերտ Քոչարյանի միջեւ: Հանդիպման ընթացքում քննարկվել են հանրաքվեի անցկացման տեխնիկական մանրամասները: Մինչդեռ, ըստ Հայաստանի Հանրապետական կուսակցության խմբակցության ղեկավար Գալուստ Սահակյանի, Հայաստանի Սահմանադրության ուղղումների նախագիծը, որն երկրորդ ընթերցումն է անցել երկրի խորհրդարանում, կրկին ուղարկվել է ԵԽ Վենետիկի հանձնաժողովի ուսումնասիրությանը: Կոալիցիայի նիստի ընթացքում, ըստ մասնակիցների, ուղղումների նախագծի տապալման տարբերակը հանրաքվեում, ընդհանրապես չի դիտարկվել: «Նման բաները չի կարելի քննարկել: Անհրաժեշտ է վճռական լինել: Սա մի Սահմանադրություն է, որն իր նմանակը չունի ԱՊՀ երկրներում: Առավել եւս ժողովրդավարության մասին բարձրագոչ խոսող երկրներում` Վրաստանում եւ Ուկրաինայում, նրանք պետք է երկար ճանապարհ անցնեն, ունենալու համար նման տիպի Սահմանադրություն»,-հայտարարել է Սահակյանը: Նրա խոսքերով, նոր Սահմանադրությունը դրական բեկում կմտցնի մեր իրականության եւ ողջ համակարգի մեջ, բեկում ի նպաստ ժողովրդավարության եւ արդարության», հաղորդում է «Ռեգնում» գործակալությունը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
