 Չեխ պաշտոնյա. Վերջերս Չեխիայի խորհրդարանի ընդունած Խոջալուի բանաձևը ԱԳՆ մոտեցումը չէ 11 մարտի 2013 - 20:05 AMT PanARMENIAN.Net - ՀՀ Ազգային ժողովի արտաքին հարաբերությունների մշտական հանձնաժողովի նախագահի տեղակալ Ալեքսանդր Արզումանյանն այսօր հանդիպեց Չեխիայի Հանրապետության ԱԳՆ Հյուսիսային և Արևելյան երկրների վարչության պետ Ելիշկա Ժիգովայի հետ: Հանդիպմանը ներկա էին նաև ՀՀ-ում Չեխիայի Հանրապետության գործերի ժամանակավոր հավատարմատար Պետր Միկիսկան և ՉՀ արտակարգ և լիազոր դեսպան Իվան Յեսթրաբը: Ալեքսանդր Արզումանյանը օգտակար համարեց նման հանդիպումները՝ նշելով, որ դրանք լավ հիմք են երկկողմ հարաբերությունները զարգացնելու համար: Հանդիպման ընթացքում կողմերը կարևորեցին երկու երկրների միջև տարբեր ձևաչափերով համագործակցության խորացումը և ակտիվացումը: Անդրադառնալով վերջերս Չեխիայի խորհրդարանի Պատգամավորների պալատի արտաքին հարաբերությունների հանձնաժողովի կողմից «Խոջալուի ցեղասպանությունը» ճանաչելու բանաձևին՝ չեխական կողմը նշեց, որ դա Չեխիայի Հանրապետության արտգործնախարարության մոտեցումը չէ և ցավալի է, որ տեղի է ունեցել նման դեպք: Ելիշկա Ժիգովան նշեց, որ ընդունելով Մինսկի խմբի գործունեությունը՝ Չեխիան շարունակում է իր հավասարակշռված քաղաքականությունը և չի կարծում, որ նման հայտարարությունները կարող են օգտակար լինել: Երկուստեք կարևորվեց եվրաինտեգրման ուղղությամբ Հայաստանի որդեգրած ուղին, Հայաստան- ԵՄ ասոցացման համաձայնագրի արագ ստորագրումը, ինչպես նաև ժողովրդավարության կառուցման ուղղությամբ բարեփոխումների խորացման անհրաժեշտությունը: Ողջունելով Հայաստանի առաջընթացը եվրաինտեգրման ճանապարհին՝ Չեխիայի Հանրապետության ԱԳՆ Հյուսիսային և Արևելյան երկրների վարչության պետը նշեց, որ Հայաստանը Արևելյան գործընկերության շրջանակներում շատ ակտիվ համագործակցում է Եվրամիության հետ, և Չեխիան շահագրգռված է նպաստելու այդ համագործակցության էլ ավելի ընդլայնմանը: Հանդիպման ընթացքում կողմերն անդրադարձան նաև Հայաստանում տեղի ունեցած նախագահական ընտրություններին, ներքաղաքական իրավիճակին, քննարկեցին տարածաշրջանային խնդիրներ, մասնավորապես անդրադարձ կատարվեց հայ-թուրքական հարաբերություններին, Լեռնային Ղարաբաղի հիմնախնդրին,տեղեկացնում են ԱԺ հասարակայնության հետ կապերի և լրատվության վարչությունից:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
