Եվրահանձնաժողովը 5-7 մլն եվրո կհատկացնի Հայկական ԱԷԿ-ի անվտանգության ապահովման համար

PanARMENIAN.Net - Եվրահանձնաժողովը 5-7 մլն եվրո կհատկացնի 2006-2007թթ. Հայկական ատոմային էլեկտրակայանի անվտանգության ապահովման համար: Այդ մասին այսօր Երեւանում հաղորդել է Հայաստանում եւ Վրաստանում Եվրահանձնաժողովի առաքելության ղեկավար, դեսպան Թորբեն Հոլցեն: Նրա խոսքերով, ընթացիկ տարում կօգտագործվեն նախորդ տարիներին տնտեսաված միջոցները: Թ.Հոլցեն նշել է, որ Եվրամիությունը կրկին մտահոգված է Հայկական ԱԷԿ-ի անվտանգության հարցով, եւ այդ կապակցությամբ շարունակում է աջակցել նրա անվտանգության ապահովման գործընթացին: «Հարցն այն չէ, որ Եվրամիությունը պահանջում է փակել Հայկական ԱԷԿ-ը, այլ այն, որ 1997 թվականին Հայաստանի կառավարությունը դիմել էր ԵՄ-ին Ատոմային էլեկտրակայանի անվտանգության պայմանները եւ չափանիշները մշակելու խնդրանքով»,-ընդգծել է դեսպանը: Նա ավելացրել է, որ ԵՄ-ն նման քաղաքականություն է վարում ոչ միայն Հայաստանի, այլ բոլոր երիտասարդ պետությունների հանդեպ, որտեղ կան «առաջին սերնդի էլեկտրակայաններ»:
 Ուշագրավ
Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել
Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ
Ըստ Յուսուբովի, այդ մարդիկ պետկառույցների աշխատակիցներ են և գործարարներ
---