 18 27.08.13 - Ակտիվիստները երթ անցկացրին ոստիկանությունից դեպի ՀՀ գլխավոր դատախազություն                        Երևանում երթ է տեղի ունեցել ոստիկանության աշխատակիցների բռնի գործողությունների դեմ  27 օգոստոսի 2013 - 17:17 AMTPanARMENIAN.Net - Այսօր Երևանում երթ է տեղի ունեցել ոստիկանության աշխատակիցների բռնի գործողությունների դեմ: Երթի մասնակիցները ոստիկանության շենքի մոտից երթով անցել են մինչև Գլխավոր դատախազության շենք: Ցուցարարների հիմնական պահանջն էր պատասխանատվության կանչել այն ոստիկաններին, որոնք բռնություն են թույլ տվել քաղաքացիական ակտիվիստների հանդեպ: «Վերջին ամիսներին մենք տեսնում ենք, որ Հայաստանում քաղաքացիական հասարակություն է ձևավորվում, իսկ կառավարությունն օգտագործում է ոստիկանությանը որպես ազդեցության լծակ ակտիվիստների դեմ՝ ամեն գնով փորձելով կանգնեցնել նրանց»,-ասել է իր ելույթում ակտիվիստ Արգիշտի Կիվիրյանը: Նա հավելել է, որ գործողությունները, որոնք վերջերս կիրառում է ոստիկանությունը քաղաքացիների դեմ՝ ակտիվիստների ապօրինի հետապնդում, նրանց հանդեպ բռնության կիրառում, համաձայնեցված են կառավարության հետ: Ելույթ ունեցողները կոչ արեցին քաղաքացիներին հիշել սեփական իրավունքների մասին, այն մասին, որ ոստիկանները կոչված են պաշտպանելու քաղաքացիների անվտանգությունը, ոչ թե նրանց դեմ բռնություն կիրառելու, ինչպես դա տեղի ունեցավ Կոմիտասի 5 հասցեում: Երթի կազմակերպիչները հատուկ ֆլաերներ էին պատրաստել, որտեղ նկարագրվում է, թե ինչ պետք է անել, եթե ձեզ ոստիկանության բաժանմունք են հրավիրել կամ ոստիկան է մոտեցել փողոցում: Ակտիվիստ Զարուհի Հովհաննիսյանը նշել է, որ դա անհրաժեշտ է, որպեսզի յուրաքանչյուր քաղաքացի իմանա, թե ինչպես կարող է պաշտպանվել ոստիկանների անիրավաչափ գործողություններից: «Այսօր արդեն ոչ մի ոստիկան չի կարող ահաբեկել ակտիվիստներիս, քանի որ մենք միայնակ չենք պայքարում, այլ միասին և գիտենք մեր իրավունքները»,-ասել է Զարուհի Հովհաննիսյանը: Ցուցարարները իրենց պահանջներով նամակ են փոխանցել գլխավոր դատախազին:  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
