  ԵԱՀԿ գլխավոր քարտուղարը հուսով է, որ Հայաստանի և Ադրբեջանի նախագահները կհանդիպեն մինչև տարեվերջ 8 նոյեմբերի 2013 - 13:27 AMT PanARMENIAN.Net - ԵԱՀԿ պատասխանատվության գոտում գտնվող «սառեցված հակամարտությունների» կարգավորման գործընթացում նկատելի են դրական փոփոխություններ, հայտարարել է կազմակերպության գլխավոր քարտուղար Լամբերտո Զանիերը, հայտնում է ԻՏԱՐ-ՏԱՍՍ-ը: Ըստ նրա, կարևոր քայլ եղավ Հայաստանի ու Ադրբեջանի նախագահների հանդիպման մասին պայմանավորվածությունը: «Մենք քննարկումներ ենք վարում ղարաբաղյան հակամարտության կողմերի հետ: Հիմա մենք աշխատում ենք, որպեսզի ՀՀ և Ադրբեջանի նախագահների հանդիպումը կայանա: Հուսով եմ, որ դա տեղի կունենա մինչև տարեվերջ»,-ասել է նա: «ԵԱՀԿ նպատակն է սատարել կողմերին քաղաքական կարգավորման ճանապրահին ու խուսափել այլընտրանքից»,-ասել է Զանիերը: Այս շաբաթ ԵԱՀԿ ՄԽ համանախագահների տարածաշրջան կատարած այցի արդյունքում պայմանավորվածություն է ձեռք բերվել նոյեմբերին Հայաստանի ու Ադրբեջանի նախագահների հանդիպում կազմակերպելու մասին: Երևանում Իգոր Պոպովը, Ջեյմս Ուորլիքն ու Ժակ Ֆորը հանդիպել են ՀՀ նախագահ Սերժ Սարգսյանի, ՀՀ ԱԳ նախարար Էդվարդ Նալբանդյանի և ԱԺ ԲՀԿ խմբակցության անդամ, ԱԳ նախկին նախարար Վարդան Օսկանյանի հետ: Միջնորդների հետ հանդիպմանը Էդվարդ Նալբանդյանը համանախագահների ուշադրությունը հրավիրել է Բաքվից անդադար հնչող հայտարարություններին, որոնք խեղաթյուրում են բանակցային գործընթացի բնույթն ու էությունը, հրադադարի խախտման հաճախակի դեպքերը: ՀՀ ԱԳ նախարարը նշել է, որ նման գործողությունները վնասում են խաղաղ գործընթացին: «Ըստ իս, ժամանակն է բարձր մակարդակով հանդիպում կազմակերպել, ճշտելու համար դիրքորոշումներն ու որոշելու համար թե ինչպես աշխատել առաջիկայում»,-հայտարարել է ՌԴ համանախագահ Իգոր Պոպովը՝ մեկնաբանելով երկու նախագահների հանդիպման հնարավորությունը: Հղումներ թեմայով.    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
