  Թուրք նախարարն ԱՄՆ-ին ու Ռուսաստանին մեղադրել է Ղարաբաղի հարցում անգործության մեջ 30 հունիսի 2014 - 10:57 AMT PanARMENIAN.Net - Մինչև օրս ԵԱՀԿ Մինսկի խումբը, միջազգային միջնորդներն անկեղծ ջանքեր չեն գործադրել ղարաբաղյան հակամարտության կարգավորման համար: ԵԱՀԿ ՄԽ անդամներ ԱՄՆ-ն ու Ռուսաստանը, ցանկության դեպքում, վաղուց արդեն միասին կգտնեին ղարաբաղյան խնդրի լուծումը: Այդ մասին Բաքվում հայտարարել է Թուրքիայի Եվրամիության գծով նախարար Մևլուդ Չավուշօղլուն, հայտնում է ԱՊԱ ադրբեջանական գործակալությունը: Չավուշօղլուն նշել է, որ ԵԱՀԿ ԽՎ քննարկման առարկան է ԵԱՀԿ դերը ուկրաինական հակամարտության հանգուցալուծման գործում: «Մի կողմից պետք է կանխել դիմակայությունը, վերացնելով առկա հակամարտությունները: Մյուս կողմից, եթե մենք չկարգավորենք սառեցված հակամարտությունները, խնդիրներ կառաջանան միջազգային իրավունքի, մարդու իրավունքի, տարածքային ամբողջականության ու երկրների անկախության տեսակետից: Այսօր բախումներն Ուկրաինայում նախկինում առաջացած հակամարտությունների չլուծված լինելու հետևանքն են: Վրաստանի հարավօսական ու աբխազական տարածաշրջանում և Մոլդովայի մերձդնեստրյան շրջանում առկա հակամարտություններին ավելացավ Ղրիմի հարցը: Սառեցված հակամարտությունները սպառնալիք են կայունության համար եվրոպական մասշտաբով: Այդ խնդիրների լուծման համար դրանց կարգավորմանը պետք է մոտենալ անաչառ ու անկեղծ»,-ասել է նա: Բաքվում այսօր անցնում է ԵԱՀԿ ԽՎ 23-րդ նստաշրջանը, որի աշխատանքին մասնակցում է նաև ՀՀ ԱԺ պատվիրակությունն Արտաշես Գեղամյանի գլխավորությամբ:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: ԵԱՀԿ Մինսկի խումբ Մինսկում Լեռնային Ղարաբաղի վերաբերյալ միջազգային համաժողով հրավիրելու մասին որոշումն ընդունվեց 1992թ. մարտի 24-ին ԵԱՀԿ անդամ երկրների Նախարարների Խորհրդի արտակարգ նիստի ժամանակ: Մինսկի համաժողովի պատրաստման գործընթացի մեջ ներգրավված երկրները` Բուլղարիան, Գերմանիան, Իտալիան, Ռուսաստանը, ԱՄՆ-ն, Թուրքիան, Ֆրանսիան, Չեխոսլովակիան, Շվեդիան, կազմեցին Ադրբեջանի ու Հայաստանի միջեւ զինված հակամարտության կարգավորման Մինսկի շփման խումբը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
