  Պորոշենկոն և Պուտինը պայմանավորվել են դադարեցնել կրակը Դոնբասում, ինչի մասին Կրեմլում լռում են 3 սեպտեմբերի 2014 - 13:30 AMT PanARMENIAN.Net - Ուկրաինայի նախագահ Պյոտր Պորոշենկոյի մամուլի ծառայությունը Ռուսաստանի նախագահ Վլադիմիր Պուտինի հետ հեռախոսազրույցից հետո հայտարարել է Դոնբասում կրակը վերջնականապես դադարեցնելու մասին: «Փոխադարձ ըմբռնում է ձեռք բերվել խաղաղության հաստատմանն ուղղված քայլերի ուղղությամբ»,- ասվում է մամուլի ծառայության հաղորդագրության մեջ, գրում է «Գլագոլ» պարբերականը: Մինչ այդ Պորոշենկոյի մամուլի ծառայությունը հայտնել է, որ Դոնբասում կրակը ամբողջությամբ դադարեցնելու մասին պայմանավորվածությունը ձեռք է բերվել Ուկրաինայի և Ռուսաստանի նախագահների հեռախոսազրույցի ժամանակ: «Հեռախոսազրույցի արդյունքում պայմանավորվածություն ձեռք բերվեց Դոնբասում կրակը վերջնականապես դադարեցնելու մասին: Փոխըմբռնում է ձեռք բերվել այն քայլերի վերաբերյալ, որոնք կնպաստեն խաղաղության հաստատմանը»: Մինչդեռ, Կրեմլի մամուլի ծառայությունը հայտնել է միայն նախագահների հեռախոսազրույցի մասին, նշել, որ կողմերը քննարկել են Ուկրաինայի ռազմական ու հումանիտար ճգնաժամը, սակայն հակամարտության գոտում կրակը դադարեցնելու մասին պայմանավորվածության վերաբերյալ հաղորդագրություն չի եղել: «Նախագահները կարծիքներ են փոխանակել, թե առաջնահերթ ինչ պետք է անել երկրի հարավ-արևելքում արյունահեղությունը կասեցնելու համար»,- ասել է Պուտինի մամուլի քարտուղար Դմիտրի Պեսկովը: «Նախագահների տեսակետները ծանր ճգնաժամային իրավիճակից դուրս գալու մասին զգալի չափով համընկնում են»,- հավելել է Պեսկովը, գրում է ՌԲԿ-ն: Նախկինում պաշտոնական Կիևը բազմիցս է հայտարարել, որ Դոնբասի տարածքում գործում են ՌԴ ԶՈւ ստորաբաժանումները: Մինչդեռ Մոսկվան կտրականապես հերքում էր հակամարտությանը միջամտելու այդ մեղադրանքները, համարելով այն ներուկրաինական: «Անշուշտ, Ռուսաստանը ոչ մի պատերազմ չի վարում: Ռուսաստանի քաղաքականությունն է թույլ չտալ, որպեսզի իրադարձությունները զարգանան ծայրահեղ տարբերակով: Ցավոք, կան ուժեր, որոնք փորձում են իրար դեմ հանել երկու ժողովրդներին, որպեսզի պատերազմ սկսվի Ուկրաինայի և Ռուսաստանի միջև: Մենք ամեն հնարավորը կանենք, թույլ չտալու համար, որ իրադարձությունները զարգանան վատթարագույն սցենարով: Ռուսաստանի Դաշնությունը ռազմական գործողություններ Ուկրաինայում չի վարում և չի վարելու»,- օգոստոսի 30-ին հայտարարել էր ՌԴ ՊՆ փոխղեկավար Անատոլի Անտոնովը: Photo: AP   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
