Հայոց ցեղասպանության մասին «Սպին» հանվել է Ստամբուլի կինոշաբաթի ֆիլմացանկից

13 սեպտեմբերի 2014 - 11:07 AMT

PanARMENIAN.Net - Թուրք ռեժիսոր Ֆաթիհ Աքինի՝ Հայոց ցեղասպանության մասին պատմող «Սպի» (The cut) ֆիլմը հանվել է «Ստամբուլի մշակույթի և արվեստի հիմնադրամի» Filmekimi կինոշաբաթի ֆիլմացանկից:

Չնայած Facebook-ում հիմնադրամի պաշտոնական էջը ժամանակին հայտնել էր, որ կինոշաբաթում ցուցադրվելու է նաև Աքինի ֆիլմը`այնուամենայնիվ այն ցանկից հանվել է:

Ըստ «Ստամբուլի մշակույթի և արվեստի հիմնադրամի» ներկայացուցիչների տեղեկությունների՝ այն ցանկից հանվել է արտասահմանում ֆիլմը ներկայացնող ընկերությունների պահանջով: Նշվում է, որ այդ որոշումը որևէ քաղաքական ենթատեքստ չունի: Ֆիլմի ներկայացուցիչները հայտնել են, որ Թուրքիայում «Սպին» մեծ էկրան կբարձրանա, բայց ուշացումով: Այդ իսկ պատճառով էլ չեն ցանկանկացել, որ կինոշաբաթի և կինոթատրոններում ֆիլմի հիմնական ցուցադրության տարեթվերի միջև մեծ տարբերություն լինի, թուրքական T24 լրատվական կայքին հղումով գրում է Ermenihaber-ը:

«Սպի» ֆիլմը պատմում է Ցեղասպանությունից մազապուրծ եղած հայազգի Նազարեթ Մանուկյանի մասին: Ցեղասպանությունից տարիներ անց նա պատահաբար իմանում է, որ իր զույգ աղջիկները, հնարավոր է, նույնպես փրկվել են, և սկսում նրանց որոնումները՝ հասնելով մինչև Հյուսիսային Դակոտա: Ֆիլմի տևողությունը 138 րոպե է, այն անգլալեզու է, սցենարի հեղինակներն են ռեժիսորն ու Մարտիկ Մարտինը: Ֆիլմում նկարահանվել են Արսինե Խանջյանը, Սիմոն Աբգարյանը, Ակին Ղազին և այլոք:

Ավելի վաղ թուրքական լրատվականները գրել էին, որ դեռևս ոչ մի ընկերություն ֆիլմը չի գնել: Կինոթատրոնների ղեկավարներն էլ Հայոց ցեղասպանության մասին ֆիլմ չեն ցանկանում ցուցադրել:

Filmekimi-ը կազմակերպվում է յուրաքանչյուր տարվա հոկտեմբեր ամսին և տևում է մեկ շաբաթ: Դրա շրջանակում ցուցադրվում են տվյալ տարվա ամենասպասված ֆիլմերը: Արդեն 13-րդ Filmekimi-ն անցկացվելու է հոկտեմբերի 11-17-ը:

Photo: Venice Film Festival

Հղումներ թեմայով.

Հայոց ցեղասպանության մասին պատմող ֆիլմը հանվել է Ստամբուլում անցկացվող կինոշաբաթի ֆիլմացանկից. Ermenihaber

Հայոց ցեղասպանության մասին գեղարվեստական ֆիլմերը

1915՝ «Արյունոտ Արևելք», ռեժ.` Ա. Արկատով,
1915՝ «Քրդերի իշխանության տակ» (Թուրքական Հայաստանի ողբերգությունը). ռեժ.` Ա. Միներվին,
1919՝ «Հոգիների աճուրդը» (Ravished Armenia), ռեժ.` Օ. Ափվելը ,
1928՝ «Անդրանիկ», ռեժ.` Ա. Շահխաթունի,
1960՝ «Հյուսիսային ծիածան», ռեժ.` Ա. Հայ-Արտյան
1963՝ «Ամերիկա, Ամերիկա» (America America) ռեժ.` Է. Քազան
1969՝ «Սարոյան եղբայրներ», ռեժ.` Խ. Աբրահամյան, Ա. Հայրապետյան
1970՝ «Գարուն ա, Ձյուն ա արել», ռեժ.` Գ. Մելիք-Ավագյան
1970՝ «Կոմիտաս Վարդապետի կյանքն ու երգերը», ռեժ.` Զ. Էլմասյան
1972՝ «Կրակեցեք դաշնակահարի վրա», ռեժ.` Ֆ. Տրյուֆո
1974՝ «Պատը», ռեժ.` Յ. Գյունեյ
1975՝ «Կեսգիշերային ճեպընթաց», ռեժ.` Ա. Փարկեր
1977՝ «Նահապետ», ռեժ.` Հ. Մալյան
1977՝ «Երկունք», ռեժ.` Ֆ․ Դովլաթյան
1977՝ «Քարե հովիտ», ռեժ.` Ա. Մկրտչյան
1979՝ «Ձորի Միրո», ռեժ.` Ժ. Ավետիսյան
1981՝ «Գործուղում առողջարան». ռեժ.` Ա. Հայրապետյան
1981՝ «Մուսա լեռան 40 օրը», ռեժ.` Ջ. Քյուրքչյան,
1982՝ «Մուսա լեռան 40 օրը», ռեժ.` Ս. Մուրադյան,
1982՝ «Առաքելություն ի Բեռլին», ռեժ.` Հ. Թուխանյան,
1983՝ «Գիշերում առկայծող կրակ», ռեժ.` Ռ. Գևորգյանց, Գ. Կևորկով,
1985՝ «Ապրիլ», ռեժ.` Վ. Չալդրանյան,
1985՝ «Մի հայի օրագիր», ռեժիսորների խումբ
1986՝ «Զոհը», ռեժ.` Հ. Լինդեր
1988՝ «Հրաժեշտի հինգ նամակ», ռեժ.` Յու. Երզնկյան
1988՝ «Մուսա լեռ-88. Վիշապի տարի», ռեժ.` Ա. Վահունի
1988՝ «Երթ», ռեժ.` Է. Իսահակյան
1988՝ «Կոմիտաս», ռեժ.` Դ. Ասկարյան
1990՝ «Կարոտ», ռեժ.` Ֆ. Դովլաթյան
1991՝ «Մայրիկ», ռեժ.` Ա․ Վերնոյ,
2002՝ «Արարատ», ռեժ.` Ա. Էգոյան,
2007՝ «Արտույտների ագարակը» (La Masseria Delle Allodole), ռեժ.` Վիտտորիո և Պաոլո Տավիանի եղբայրներ,
2009՝ «Հոգիների աճուրդը» (Ravished Armenia) (1919-ին նկարահանված ֆիլմի վերականգնված ու վերամոնտաժված տարբերակը),
2010՝ «Շների կղզին», ռեժ.` Ս․ Ավեդիքյան,
2011՝ «Վանա ծովուն արշալույսը», ռեժ.` Ա․ Իգիթյան, Վ․ Ստեփանյան,
2014՝ «Սպին» (The Cut, ռեժ․՝ Ֆ․ Ակին։