  Դինքի մրցանակի դափնեկիր. «Նոր Թուրքիան» սարսափելի տեղ է 20 սեպտեմբերի 2014 - 11:45 AMT PanARMENIAN.Net - Թուրքիայի իշխող Արդարության և զարգացման կուսակցության հռչակած Նոր Թուրքիան սարսափելի տեղ է, որտեղ մարդու իրավունքներն ու ընդդիմախոսների հետապնդումները սովորական երևույթ են: Այդ մասին Today'sZaman-ին տված հարցազրույցում հայտարարել է Դինքի մրցանակի դափնեկիր, Թուրքիայի մարդու իրավունքների պաշտպանության կազմակերպության ղեկավար Շեբնեմ Քոնուր Ֆինչանչեն: «Նոր Թուրքիան», նրա հռետորաբանությունն ահավոր են: Մենք գիտենք, թե ինչպես է պետությունն այդ նոր Թուրքիան գովազդում: Նոր Թուրքիան ամբոխներն են, որ հալածում են երեխային կորցրած մորը»,-ասել է նա՝ ակնարկելով Էրդողանի ընտրարշավի ժամանակ տեղի ունեցած միջադեպը, երբ ամբոխը սուլում ու ճչում էր, լսելով այն դեռահասի մոր անունը, որը զոհվեց 2013-ին Գեզի պուրակի ցույցերը ցրելու ժամանակ: Ֆինչանչեն Դինքի մրցանակին արժանացավ սեպտեմբերի 15-ին՝ լրագրողի ծննդյան օրը, պետության հովանու տակ գտնվող անհետացած երեխաների մայրերին իրավապաշտպանական աջակցության համար: Անդրադառնալով Դինքի սպանության գործի հետաքննությանը՝ նա նշեց, որ հույս չունի, թե գործը կբացահայտվի, «թվում է սա այն գործերից է, որն արգելակվում է ամեն հերթական դատավարությունից հետո»,-ասել է նա: 2007-ի հունվարի 19-ին Դինքը սպանվեց «Ակոս»-ի խմբագրատան դիմաց: Բոլոր մեղավորները դեռ դատապարտված չեն: Գործի նոր մանրամասներ են բացահայտվում: Կասկածյալ Օգյուն Սամասթը ձերբակալվեց 32 ժամ անց: 2012 թվականի հունվարի 17-ին դատարանը մեղավոր ճանաչեց 19 մարդու «ահաբեկչական կազմակերպության անդամներ» մեղադրանքով: Յասին Հայալը ցմահ բանտարկության դատապարտվեց, անմիջական հանցագործ Օգյուն Սամասթը՝ 23 տարվա ազատազրկման: Մեղադրյալներն անցնում էին Թուրքիայի ՔՕ 220 հոդվածով՝ սպանության կազմակերպում ու իրագործում: 2014 թ. մարտին ոստիկանության հետախուզության նախկին պետը մեղադրվեց Հրանտ Դինքի գործով թերանալու մեջ ու հեռացվեց հետաքննությունից, թեև սկզբում վարչական դատարանը մերժեց քննությունից նրան հեռացնելու պահանջը: Դատական տեսուչներն իբր պարզել էին, որ ոչնչացված տեղեկատվությունը կարող է կապված լինել այն շրջանի հետ, երբ Դինքը սպանվեց սպառնալիքներ ստանալուց հետո: Սեպտեմբերի 17-ին Ստամբուլում վերսկսվեց Հրանտ Դինքի սպանության նախապատրաստման մեղադրանքով կասկածյալ Էրհան Թունջելի դատը: Դատարանը ձերբակալության թույլտվություն տվեց, սակայն Թունջելին ազատ արձակվեց Դինքի սպանության գործով առաջին իսկ որոշումից հետո: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
