  Ցեղասպանության 100-ամյակին ընդառաջ Լոս Անջելես-Երևան մոտոարշավ կանցկացվի 25 սեպտեմբերի 2014 - 14:55 AMT PanARMENIAN.Net - Հայ բայքերների Armenian Brigade ակումբը Լոս Անջելես-Երևան ավտոարշավ կկազմակերպի՝ նվիրված Հայոց ցեղասպանության 100-ամյա տարելիցին: Այդ մասին, ըստ «Նովոստի Արմենիա» գործակալության, հայտարարել է ակումբի հիմնադիր Հարութ Բոգարյանը: «Ամենակարևորը մեզ համար մեր ավանդն ունենալն է Հայոց ցեղասպանության միջազգային ճանաչման գործում: Մենք պարբերաբար ակցիաներ ենք կազմակերպում Թուրքիայի դեսպանատան առջև և որոշեցինք խոշոր ակցիա կազմակերպել Ցեղասպանության 100-ամյա տարելիցին ընդառաջ»,-ասել է նա: Լոս Անջելեսից Երևան կմեկնեն մոտ 40 բայքերներ, որոնք Ծիծեռնակաբերդ կբարձրանան մոտոցիկլետներով, իսկ մյուսներն ակցիա կկազմակերպեն ԱՄՆ-ում: Ըստ Բոգարյանի, մոտոարշավի ընթացքում ակցիաներ կկազմակերպվեն հայերի հանդեպ անբարյացակամ տրամադրված պետությունների դեսպանատների առջև: «Մենք կրելու ենք պաստառներ ու դրոշներ, իրազեկելու համար հանրությանը Հայոց ցեղասպանության մասին, ինչպես նաև շնորհակալություն ենք հայտնելու այն ժողովրդներին ու երկրներին, որոնք արդեն ճանաչել են Ցեղասպանությունը»,-ասել է նա: Մոտոարշավի ծրագրով նախատեսվում է ընդգրկել նաև եվրոպական երկրները, սակայն ամեն ինչ կախված է եղանակից, ըստ օդերևութաբանների, ամբողջ մարտ ամսվա ընթացքում Եվրոպայում սպասվում են ձյան տեղումներ, իսկ նման պայմաններում մենք չենք կարողանա մեր ակցիան իրականացնել: Եթե ստիպված լինենք բացառելու Եվրոպան, կերկարացնենք երթուղին ԱՄՆ-ում և ավելի շատ ժամանակ կանցկացնենք Երևանում»,-ասել է նա: Ակումբը ստեղծվել է ԱՄՆ-ում 2014-ի հունվարին հինգ ամերիկահայ բայքերների ջանքերով:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
