 ԵՎՐԱԽՈՐՀՈՒՐԴԸ ԴԱՏԱՊԱՐՏԵԼ Է ՏԻԳՐԱՆ ՆԱՂԴԱԼՅԱՆԻ ՍՊԱՆՈՒԹՅՈՒՆԸ 9 հունվարի 2003 - 02:47 AMT PanARMENIAN.Net - Այսօր Եվրախորհրդի գլխավոր քարտուղար Վալտեր Շվիմերը դատապարտել է Հայաստանի Հանրային հեռուստառադիոընկերության խորհրդի նախագահ Տիգրան Նաղդալյանի սպանությունը եւ ցավակցություն հայտնել նրա ընտանիքին, ընկերներին եւ գործընկերներին: «Լրատվության առաջավոր գործչի սպանությունը հանցագործություն է ոչ միայն մարդու նկատմամբ, այլ նաեւ հարված լրատվության ազատությանը: Հայաստանի Հանրային հեռուստատեսությունը եւ ռադիոն երկրի ժողովրդավարական գործընթացներին աջակցելու մեծ դեր ունեն, հատկապես գալիք նախագահական եւ խորհրդարանական ընտրությունների լուսաբանման գործում: Կցանկանայինք հատուկ շեշտել Տիգրան Նաղդալյանի ջանքերը` նորացնելու Հայաստանում հանրային հեռուստատեսությունը եւ ստեղծելու եվրոպական չափանիշներին համահունչ անկախ հանրային կառույց: Կոչ եմ անում նրա գործընկերներին շարունակել նրա գործը նույն ոգեշունչ հավատով»,- ասել է գլխավոր քարտուղարը: «Հայաստանում ժողովրդավարության գործընթացը խոչընդոտող այս սարսափելի եւ անիմաստ քայլը չպետք է թույլատրվի: Ես կոչ եմ անում Հայաստանի բանիմաց իշխանություններին սկսելու մանրակրկիտ եւ թափանցիկ հետաքննություն, որպեսզի պատժվեն մեղավորները»,- նշել է Եվրախորհրդի գլխավոր քարտուղար Վալտեր Շվիմերը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
