 Կոլորադոյի Բոուլդեր քաղաքը ապրիլի 24-ը կհայտարարի Հայոց ցեղասպանության հիշատակի օր 9 ապրիլի 2015 - 13:48 AMT PanARMENIAN.Net - Ամերիկայի Կոլորադո նահանգի Բոուլդեր քաղաքը ապրիլի 24-ը ճանաչելու է որպես Հայոց ցեղասպանության հիշատակի օր: Կոլորադոյի Քաղաքային խորհրդի անդամ Ջորջ Քարաքեհյանը ապրիլի 7-ին Քաղաքային խորհրդի բացմանը ներկայացել է «Հիշատակի օրվա բանաձևի» ընթերցմամբ: Բանաձևը ճանաչվելու է նաև նահանգի մակարդակով, – հաղորդում է Daily Camera-ն: Իր ելույթում Հիտլերի հայտնի «Ո՞վ է այդ ամենից հետո այսօր հիշում հայերի ոչնչացման մասին» արտահայտությունն արտասանելիս ծագումով հայ Քարաքեյանը շնչահեղձ էր լինում, ապա Բոուլդերի քաղաքացիներին խնդրում հիշել հայերին: Հայաստանում և Սփյուռքում Հայոց ցեղասպանության հիշատակի օրը ապրիլի 24-ն է: 1915 թվականին այդ օրը հայ մտավորականների և համայնքային ղեկավարների ձերբակալել և արտաքսել են: Արտաքսման ճանապարհին նրանց մեծ մասը սպանվել է: «Ցեղասպանությունը» բառն առաջացավ՝ նկարագրելու Թուրքիայում հայերի զանգվածային սպանությունները, սակայն Թուրքիան հերքում է, որ այդ մահերը ցեղասպանության արդյունք էին: ԱՄՆ-ն, լինելով Թուրքիայի ռազմավարական դաշնակիցը, չի ճանաչում Հայոց ցեղասպանությունը: Ապրիլի 4-ին ԱՄՆ Հավայի նահանգի սենատը միաձայն ընդունել է Հայոց ցեղասպանությունը որպես պատմական փաստ ճանաչող բանաձևը` ապրիլի 24-ը հայտարարելով Ցեղասպանության զոհերի հիշատակի օր: «Սենատը միանում է Հավայիների հայկական համայնքին ու ամբողջ աշխարհով մեկ սփռված հայերին` ճանաչելով Հայոց ցեղասպանության փաստն ու հարգելով բոլոր զոհերի հիշատակը: Սենատը կոչ է անում աշխարհի բոլոր քաղաքացիներին երբեք չմոռանալ մարդկության դեմ գործած այդ սարսափելի հանցանքները»,- նշված է բանաձևում: Ավելի վաղ հայտնի դարձավ, որ Հայոց ցեղասպանության 100-րդ տարելիցի առթիվ Նևադայի նահանգապետ Բրայեն Սանդովալը հռչակագիր է ստորագրել, որի համաձայն ապրիլի 19-26-ը Նևադայում հայտարարվել է Հայոց ցեղասպանության զոհերի հիշատակի շաբաթ: Նույնաբովանդակ հռչակագրով է հանդես եկել նաև Նևադայի փոխնահանգապետ, Նահանգային սենատի նախագահ Մարկ Հաթչիսոնը: Երկու հռչակագրերում ԱՄՆ նախագահին և Կոնգրեսին կոչ է արվում ճանաչել հայ ժողովրդի նկատմամբ իրականացված վայրագությունները և Թուրքիային կոչ անել ճանաչել պատմական փաստերը: Մարտի 18-ին ԱՄՆ օրենսդիրները ԱՄՆ Կոնգերսում բանաձև ներկայացվեց Հայոց ցեղասպանության մասին: «Ճշմարտության և արդարության մասին» բանաձևը ստացել է Ներկայացուցիչների պալատի 44 անդամների աջակցությունը: Բանաձևը կոչ է անում ԱՄՆ նախագահ Բարաք Օբամային նպաստել Հայաստանի և Թուրքիայի միջև հարաբերությունների կարգավորմանը Անկարայի կողմից Հայոց ցեղասպանության փաստի ու հետևանքների լիարժեք ճանաչման հիման վրա: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
