 9 19.06.15 - 8-րդ ամենամյա «ԴիջիԹեք» բիզնես ֆորումի պաշտոնական բացումը              «Դիջիբիզնես» մրցանակաբաշխություն. Ամերիաբանկը՝ տարվա նորարար ընկերություն  22 հունիսի 2015 - 17:09 AMTPanARMENIAN.Net - Հունիսի 20-ին՝ ԴիջիԹեք բիզնես ֆորումի ավարտին, առաջին անգամ մրցանակաբաշխություն է անցկացվել, որի ընթացքում տարբեր անվանակարգերում «Դիջիբիզնես» մրցանակը շնորհվել է ոչ ՏՏ ոլորտի ընկերություններին, որոնք իրենց գործունեության մեջ հաջողությամբ ՏՏ լուծումներ են կիրառում: Արդյունքում «Տարվա նորարար ընկերություն» անվանակարգում հաղթել է Ամերիաբանկը: Մրցանակաբաշխության նպատակն է շահագրգռել տեխնոլոգիաներ ներդնող ընկերություններին և ներկայացնել դրանք հասարակությանը: Կազմակերպիչն Ինֆորմացիոն տեխնոլոգիաների ձեռնարկությունների միությունն էր (ԻՏՁՄ): Մրցանակները հանձնել են ԻՏՁՄ վարչության անդամներն ու ՏՏ ոլորտի այլ ներկայացուցիչներ: Ամերիաբանկը Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007-ից` տրամադրում է նորարարական բանկային ծառայությունների լայն տեսականի: Այն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: 8-րդ ամենամյա ԴիջիԹեք բիզնես ֆորումն այս տարի մեկնարկել էր հունիսի 19-ին: «Խելացի լուծումներ` խելացի բիզնեսի համար» խորագիրը կրող տեխնոլոգիական ֆորումն անցկացվել է ՀՀ վարչապետի աջակցութամբ: Դրա նպատակն է նպաստել տեղեկատվական և հեռահաղորդակցական տեխնոլոգիաների (ՏՀՏ) ներդրմանը տնտեսության այլ ոլորտներում, ներկայացնել հայաստանյան և միջազգային ընկերությունների ՏՀՏ ապրանքներն ու ծառայությունները, որոնք նախատեսված են տնտեսության այլ ճյուղերի արդիականացման համար: Այս տարի ֆորումին մասնակցել են հայաստանյան ՏՏ ոլորտի և բիզնեսի այլ բնագավառները ներկայացնող ընկերություններ, ինչպես նաև պետական կառավարման ոլորտի կազմակերպություններ, որոնք մոտ 70-ն էին: Բիզնես ֆորումը ներառում էր ցուցահանդեսային մաս և մասնագիտական քննարկումներ:  Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
