Պետդումա է ներկայացվել Թուրքիայում հույների, ասորիների, եզդիների ցեղասպանության ժխտումը քրեականացնող օրինագիծ19 դեկտեմբերի 2015 - 13:54 AMT PanARMENIAN.Net - ՌԴ մի խումբ էսեր պատգամավորներ Պետդումայի քննարկմանն են ներկայացրել 1915-1922 թթ. Թուրքիայում հույների, ասորիների և քուրդ-եզդիների ցեղասպանության փաստերի հրապարակային ժխտման համար քրեական պատասխանատվություն սահմանող օրինագիծը: Առաջարկվում է որպես պատիժ մինչև 300.000 ռուբլի տուգանք սահմանել, կամ մինչև 3 տարի ժամկետով հարկադիր աշխատանքներ, կամ նույն ժամկետով ազատազրկման: Եթե դա արվել է ծառայողական դիրքի կամ ԶԼՄ-ների օգտագործմամբ, ապա տուգանքն առաջարկվում է սահմանել 100.000-500.000 ռուբլի, իսկ ազատազրկումը` մինչև 5 տարի: Օրինագծի համահեղինակներից մեկը, «Արդար Ռուսաստան» խմբակցության ղեկավար Սերգեյ Միրոնովը նշել է, որ այժմ Պետդումայի քննարկմանն է ներկայացված Թուրքիայում 1915-1922 թթ. Հայոց ցեղասպանության ժխտումը քրեականացնող օրինագիծը: «Մեր օրինագծի տրամաբանությունը պարզ է ու ակնհայտ: 1915-1922 թթ. ցեղասպանությունից տուժել են ոչ միայն հայերը, այլ նաև այլ ժողովրդների ներկայացուցիչներ` միլիոնավոր մարդիկ են զոհվել, սովամահ եղել, հայրենազրկվել: Եվ որպեսզի պատմական արդարությունն ամբողջական լինի, հարկավոր է ճանաչել թուրքական ռեժիմի բոլոր հանցագործությունները»,-ասել է Միրոնովը, հայտնում է Interfax.ru-ն: Ավելի վաղ Հունաստանի հանրությունը և ՌԴ-ում բնակվող հույները դիմել էին Ռուսաստանի իշխանություններին` կոչ անելով ճանաչել Թուրքիայի կողմից իրագործված Պոնտոսի հույների ցեղասպանությունը: 1914-1921 թթ. թուրքական իշխանությունները ոչնչացրել են 326-382 հազար խաղաղ հույների, որոնք վաղնջական շրջանից բնակվում էին Պոնտոսի տարածքում, ասվում է փաստաթղթում: Նոյեմբերի 25-ին Ռուսաստանի Պետական դումայում Հայոց ցեղասպանության հերքման համար պատասխանատվության վերաբերյալ օրինագիծ է ներկայացվել: Օրինագծի համահեղինակներն են Սերգեյ Միրոնովը և Նիկոլայ Լևիչևը: Ըստ օրինագծի, Հայոց ցեղասպանությունը ժխտելու կամ կատարված ոճիրն արդարացնելու համար առաջարկվում է տուգանք մինչև 300 հազար ռուբլի կամ աշխատավարձի չափով մինչև 2 տարի ժամկետով, կամ ազատազրկում մինչև 3 տարի ժամկետով: Եթե դա արվել է ԶԼՄ-ների միջոցով, ապա տուգանքի վերին շեմն առաջարկվում է սահմանել 500 հազար ռուբլու չափով: Ազատազրկումն այդ դեպքում կսահմանվի մինչև 5 տարի ժամկետով: ՌԴ Պետդուման ճանաչել է Հայոց ցեղասպանությունը 1995-ին: ա Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |