  ՀՀ-ն ունի բոլոր հնարավորություններն ընտրությունները միջազգային չափանիշներին համապատասխան անցկացնելու համար 5 փետրվարի 2007 - 18:44 AMT PanARMENIAN.Net - Երեւանում այցով գտնվող ԵԱՀԿ ԽՎ նախագահ Գորան Լենմարկերը հանդիպել է ՀՀ ԱԺ նախագահ Տիգրան Թորոսյանի հետ: Հանդիպմանը մասնակցում էր ԵԱՀԿ երեւանյան գրասենյակի ղեկավար, դեսպան Վլադիմիր Պրյախինը: ՀՀ Աժ նախագահ Տիգրան Թորոսյանը համառոտ ներկայացրեց քաղաքական կյանքը Հայաստանում` անդրադառնալով սահմանադրական բարեփոխումներից հետո կատարված աշխատանքներին: Աժ նախագահը կարեւորեց խորհրդարանական ընտրությունները եվրոպական չափանիշներին համապատասխան անցկացնելը: ԵԱՀԿ ԽՎ նախագահ Գորան Լենմարկերը եւս անդրադարձավ ընտրություններին` նշելով որ Հայաստանն ունի բոլոր նախադրյալները նման ընտրությանների անցկացման համար: «ԵԱՀԿ ԽՎ փոխնախագահ Թոնե Թինգսգարդը կգլխավորի դիտորդական առաքելությունը, քանի որ ԵԱՀԿ-ն կարեւորում է դիտորդների մասնակցությունը ընտրություններին»,-նշել է Լենմարկերը: Նա երախտագիտություն հայտնեց ԵԱՀԿ ԽՎ-ում Աժ պատվիրակության ակտիվ աշխատանքի համար եւ հույս հայտնեց, որ պատվիրակությունը մեծ ներդրում կունենա նաեւ էներգետիկ անվտանգության հարցերի առաջիկա քննարկման ժամանակ: Պարոն Լենմարկերը կարեւորեց խորհրդարանական համագործակցության ընդլայնումը Հարավային Կովկասի երկրներում` նշելով, որ որոշ հարցերում (սեյսմիկ վերահսկողության, ջրային ու հանքային ռեսուրսների շահագործման) առկա համագործակցությունը պետք է ամրապնդել խորհրդարանական դիվանագիտության ու երկխոսության կայացման միջոցով:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
