  Գլխավոր շտաբի պետը հաստատել է, որ Հայաստանին չեն դիմել ԱՄՆ ՀՀՊ ռադարի տեղակայման հարցով 5 մարտի 2007 - 15:39 AMT PanARMENIAN.Net - Հայաստանն առաջարկություն չի ստացել իր տարածքում ամերիկյան ՀՀՊ համակարգի տարրեր տեղակայելու վերաբերյալ: Այդ մասին հայտարարել է Հայաստանի պաշտպանության նախարարի առաջին տեղակալ, Զինված ուժերի Գլխավոր շտաբի պետ, գեներալ-գնդապետ Միքայել Հարությունյանը: «Հազիվ թե նման համակարգ տեղակայվի Հայաստանի տարածքում, մեզ այդ հարցով ոչ ոք չի դիմել: Ես ինքս այդ մասին թերթերից եւ լրատվության այլ աղբյուրներից եմ իմացել»,-ասել է Հարությունյանը: Նրա խոսքերով, Հայաստանը որպես ՀԱՊԿ անդամ չի ցանկանում, որ տարածաշրջանում սպառազինության աճ լինի: «Ինչ վերաբերում է նրան, թե որ երկրում են մտադիր այդ համակարգը տեղակայել, դա այդ պետությունների եւ ԱՄՆ գործն է, ես այստեղ իմաստ չեմ տեսնում»,-նշել է Հարությունյանը: Ըստ նրա, նոր համակարգ տեղակայելու փոխարեն, վատ չէր լինի, եթե Ռուսաստանն ու ԱՄՆ-ն պայմանավորվեին Ադրբեջանում տեղակայված ռադիոտեղորոշման կայանի հնարավորությունների համատեղ օգտագործման վերաբերյալ: «Սակայն դա մեր գործը չէ: Մեր գործը մեր պաշտպանողականությունն ամրապնդելը, մեր ռազմավարական գործընկեր Ռուսաստանի, ինչպես նաեւ ԱՄՆ-ի եւ եվրոպական պետությունների հետ համագործակցելն է: Մենք այն կարծիքի ենք, որ փոքր պետություններին չափազանց բարդ կլիներ ինքնուրույն լուծել սեփական անվտանգության հարցերը»,-նշել է գլխավոր շտաբի պետը: «Մենք պետք է շատ մոտ հարաբերություններ ունենանք մեր անմիջական գործընկերների հետ, սակայն միաժամանակ չմոռանալով ԱՄՆ-ն, եվրոպական պետություներին եւ մեր հարեւաններին»,-պարզաբանել է նա, հաղորդում է «Նովոստի-Արմենիան»:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
