Ադրբեջանը լրացնում է իր սպառազինությունը

PanARMENIAN.Net - Ադրբեջանի ՌՕՈՒ-ը ստացան արդիականացված ՄիԳ-29 կործանիչներ: Ռեակտիվ կործանիչները ցուցադրվել են Բաքվի մերձակայքում գտնվող ավիառազմակայանում 2007 թ. մարտի 29-ին: Հայտնի է, որ ինքնաթիռները ձեռք են բերվել Ուկրաինայում, սակայն դրանց քանակը եւ ստույգ մոդիֆիկացիան չի նշվում: Ադրբեջանի ռազմական գերատեսչությունում աղբյուրի համաձայն, գնված ինքնաթիռները իրենց բնութագրերով գերազանցում են նմանատիպ արեւմտյան նմուշներն ու կործանիչները, որոնցով զինված են Հայաստանի ՌՕՈՒ: Մի շարք մասնագետներ գտնում են, որ ձեռք բերված կործանիչները դասվում են 9-13 մոդիֆիկացիային, որը արդիականացվել է եւ որի վրա նոր նավիգացիոն համակարգ է տեղադրվել: Լվովի ԱՎԳ-ում արդիականացված մեքենաները կարող են կիրառել նաեւ ղեկավարվող ավիառումբեր եւ «օդ-ցամաք» հրթիռներ TV-նշանառությամբ, հաղորդում է Ինտերֆաքսը: