  Հայաստանի համագործակցությունը ՀԱՊԿ շրջանակներում եւ հարաբերությունները ՆԱՏՕ-ի հետ փոխլրացնում են միմյանց15 մայիսի 2007 - 19:34 AMT PanARMENIAN.Net - Այսօր ՆԱՏՕ-ին անդամակցելու հարց Հայաստանի արտաքին քաղաքականության օրակարգում չկա, հայտարարել է Հայաստանի պաշտպանության նախարար Միքայել Հարությունյանը: Նրա խոսքերով, երկու ուղղություններով` ՀԱՊԿ եւ ՆԱՏՕ-ի անվտանգության քաղաքականության շփման եւ հարաբերականորեն սինխրոն, համամասնական զարգացումը պայմանավորված է ընդհանուր խնդիրներով, որ ծառացած են այդ երկու անվտանգության համակարգերի առջեւ, ընդհանուր մոտեցումներով անվտանգության սպառնալիքների չեզոքացմանը, ընդհանուր շահերի առկայությամբ: «Այսօր ակնհայտ է դառնում, որ իրենց ազդեցության գոտիներում անվտանգության խնդիրների լուծման համար եւ ՀԱՊԿ-ն, եւ ՆԱՏՕ-ն որդեգրել են սկզբունքորեն նմանատիպ մոտեցումներ, իսկ միջազգային սպառնալիքների գլոբալ մասշտաբն ու այժմէականությունը ետին պլան են մղել առկա հակասությունները, ստիպելով կողմերին գնալով ընդլայնել համագործակցության շրջանակները: Ընթանալով փոխլրացման քաղաքական կուրսով մենք փորձում ենք մեր հնարավորությունների սահմաններում դաշտ ապահովել շահագրգիռ պետությունների եւ անվտանգության համակարգերի կառուցողական համագործակցության համար` ղեկավարվելով ընդհանուր շահերով, նպաստելով առկա հակասությունների մեղմացմանը: Կարելի է ասել, որ Հայաստանի համագործակցությունը ՀԱՊԿ շրջանակներում եւ հարաբերությունները ՆԱՏՕ-ի հետ փոխլրացնում են միմյանց, անվտանգության լրացուցիչ երաշխիքներ ստեղծելով ինչպես մեր երկրի, այնպես էլ ընդհանուր առմամբ ողջ տարածաշրջանի համար»,-հայտարարել է Մ.Հարությունյանը, հաղորդում է «Կռասնայա զվեզդա» թերթը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
