  Ղարաբաղյան հակամարտություն. Հայաստանը այլընտրանք չի տեսնում ԵԱՀԿ շրջանակներում ընթացող բանակցային գործընթացին 5 հունիսի 2007 - 20:15 AMT PanARMENIAN.Net - Հայաստանի նախագահ Ռոբերտ Քոչարյանն այսօր ընդունել է տարածաշրջանային այցով Հայաստանում գտնվող ԵԱՀԿ գործող նախագահ, Իսպանիայի Թագավորության արտաքին գործերի նախարար Միգել Անխել Մորատինոսի գլխավորած պատվիրակությանը: Հանդիպման ընթացքում Ռ.Քոչարյանը հայտարարել է, որ այդ այցը հետագա համագործակցության լուրջ խթան եւ նշել, որ կազմակերպությունը Հայաստանում իրականացնում է բավականին հետաքրքիր ծրագրեր: Ըստ Ռոբերտ Քոչարյանի, ԵԱՀԿ շրջանակում է ընթանում նաեւ ղարաբաղյան հակամարտության կարգավորման բանակցային գործընթացը, որին այլընտրանք եւ ավելի արդյունավետ ձեւաչափ հայկական կողմը չի տեսնում:Զրուցակիցները հանգամանորեն քննարկել են ղարաբաղյան խնդրի կարգավորման գործընթացի վերջին զարգացումները: Իսպանիայի արտգործնախարարը ներկայացրել է նախօրեին Ադրբեջանում կայացած հանդիպումների տպավորությունները եւ վերահաստատել է կազմակերպության պատրաստակամությունն` աջակցելու խնդրի խաղաղ կարգավորմանը: Անդրադարձ է եղել նաեւ Հայաստանում իրականացվող ժողովրդավարական բարեփոխումներին: Միգել Անխել Մորատինոսի համոզմամբ, խորհրդարանական ընտրություններում արձանագրված առաջընթացը մեծապես կնպաստի ժողովրդավարական գործընթացների ամրապնդմանը: Ռոբերտ Քոչարյանի խոսքով, երկրում իրականացվող բոլոր բարեփոխումներն ուղղված են մարդու հնարավորությունների բացահայտմանն ու դրսեւորմանը, իսկ ժողովրդավարության խորացումը` դրա լավագույն տարբերակն է: Կողմերը խոսել են նաեւ հայ-իսպանական հարաբերությունների մասին` նշելով երկու պետությունների մայրաքաղաքներում դեսպանություններ հիմնելու անհրաժեշտությունը: Նախագահը հաստատել է երկկողմ համագործակցությունն ընդլայնելու մեր երկրի պատրաստակամությունը, հաղորդում է նախագահի մամլո ծառայությունը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
